Bandièra01 1180x150: Comuna de Tolosa

Actualitats

Escòcia: de desenas de milièrs de manifestants reclaman a l’SNP un segond referendum d’independéncia

Lo partit vòl esperar fins que se sàpia los detalhs del Brexit

| All Under One Banner
De desenas de milièrs de personas reclamèron dissabte passat al Partit Nacional Escocés (SNP) qu’alestiguèsse la convocacion d’un segond referendum d’independéncia per quitar lo Reialme Unit. La polícia locala d’Edimborg calculèt l’afluéncia a 20 000 personas, mas lo collectiu qu’organizava la manifestacion, All Under One Banner (AUOB, “Totes jos una bandièra”) , ne raportèt 100 000. Es fòrça pauc abitual que las manifestacions en Escòcia engatgen de desenas de milièrs de personas.
 
La marcha se faguèt la velha del Congrès de l’SNP, ont la cap del partit e primièra ministra d’Escòcia, Nicola Sturgeon, se mostrèt convencuda que lo cors dels eveniments —amb la sortida del Reialme Unit de l’UE— menariá Escòcia a son independéncia a tard o a temps. Sturgeon precisèt que la sortida d’Escòcia de l’UE seriá una mòstra de “deficit democratic” pr’amor que gaireben de tres parts doas dels escoceses votèron en favor d’i demorar al referendum de 2016.
 
Totun, lo govèrn escocés vòl pas concretizar sos plans per un segond referendum d’independéncia fins que se conesca los detalhs exactes del Brexit.
 
Segon un sondatge d’aquesta dimenjada passada publicat dins The Sun, un Brexit sens acòrdi entre lo govèrn britanic e l’UE fariá pojar lo sosten a l’independéncia fins a un 52%.
 


 
Aquesta nòva es adaptada de Nationalia, amb qui Jornalet ten un acòrdi de cooperacion.






abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Tamben es vesen senyeras que destacan de las altras banderas escocesas, per la vivor de sos colors vermelh e jaune.

  • 1
  • 0
pjm internacionalista
1.

a un moment se didè dens lo movement occitanISTE que conéisher e défender lo petit país èra la milhora pòrta per l'internacionalisme.
lo malur deu movement occitan dempuish un moment es aquesta tendància a víver per procuracion shens éster jamei capable de comprénder la realitat d'aquí e d'agir en consequéncia.
uèi lo jorn, Jornalet, Bulgària, Hong Kong, Escòcia.

  • 5
  • 1

Escriu un comentari sus aqueste article