Bandièra01 1180x150: Comuna de Tolosa

Actualitats

Exòde massís de twitterejaires devèrs Mastodon dins l’estat espanhòl

Aquel ret social liure, descentralizat e federat, que son interfàcia es tanben en occitan, existís dempuèi la fin de 2016

| CHRISTOPHER MINESES/MASHABLE/MASTODON
Coneissètz lo ret social Mastodon? “Òm pòt dire qu’es coma Twitter mas amb una autra tecnica e distribucion del poder” nos explicava en mai de 2017 lo Quentin dins sa tribuna de Jornalet. Aquel ret social liure, descentralizat e federat, que son interfàcia es tanben en occitan, existís dempuèi la fin de 2016. Mas aqueste mes d’octòbre se n’es fòrça parlat en Espanha e mai que mai en Catalonha. 
 
Lo 1r d’octòbre passat, Mastodon èra lo tèma pus comentat sus Twitter dins l’estat espanhòl, car i aguèt un exòde massís de twitterejaires devèrs lo ret liure. Los usatgièrs de Twitter planhon dempuèi longtemps la manca de libertat d’expression e, sustot, que la correccion politica menada a l’extrèm permeta la censura d’un fum de publicacions. Darrièrament, Twitter a barrat en Espanha los comptes de fòrça usatgièrs qu’avián fòrça seguidors, çò qu’a desvelhat las criticas. E mai, lo mond son fòrça critics amb los critèris de la directritz generala de Twitter per Espanha e Portugal, Nathalie Picquot, una especialista d’afars francoalemanda qu’a de ligams familiars amb la monarquia espanhòla.
 
Per aver mai d’informacions sus Mastodon podètz legir lo rapòrt que lo Quentin ne faguèt en mai de 2017 dins sa tribuna de Jornalet, o lo cors en cinc minutas que publiquèt en setembre d’arunan.
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Quentin Tolosa
1.

Al plaser de vos i trobar tanben :)

  • 5
  • 0

Escriu un comentari sus aqueste article