Bandièra01 1180x150: Comuna de Tolosa

Actualitats

Politica
crotz-tolosaCreated with Sketch.LemosinLemosin

Lemosin: de desenats de cònsols màgers an retirat lo retrach oficial de Macron

Dimars passat, los elegits recebèron de gases lacrimogèns quand se volián adreiçar al president francés a Aus Gletons

Qualques desenats de cònsols màgers lemosins an decidit de levar lo retrach oficial d’Emmanuel Macron qu’èra dins lors comunas. Amb aquela mesura simbolica exprimisson lor colèra per la baissa de la dotacion de las collectivitats localas, la supression dels contractes ajudats, la desaparicion a tèrme de la taxa d’abitacion, la diminucion de las agéncias de servici publicas... es a dire que protèstan contra las nombrosas retalhadas budgetàrias impausadas per l’Elisi.
 
Mas sustot, los elegits protèstan contra los faches de dimars passat 9 d’octòbre, qu’anèron a Aus Gletons (Dordonha Lemosina) per rescontrar Emmanuel Macron. Volián parlar amb el del plan social de GM&S e d’autres afars importants per lors comunas. Mal al moment que los cònsols se volián adreiçar a Macron, recebèron de patacs e de gases lacrimogèns.
 
Aquel jorn, un quarantenat de cònsols avián profechat de la vesita de Macron per manifestar en favor dels trabalhadors en GM&S en lucha dempuèi longtemps. “Desiràvem de li presentar doas chausas. D'en primier, que l’esquipamentier GM&S es a defuntar tot doçament, emb 150 pòstes que parton dins lo ressejadís. Dins un departament de 120 000 abitants, 150 perdas d’emplec sechas, quò’s complicat”, çò explicava a BFM TV Didier Martinez, cònsol màger PS del Grand Montelh (País de Borgon Nuòu).
 
Lo retorn del retrach oficial es pas qu’una estapa, çò rapòrta France Bleu. Los cònsols en colèra an previstas d’autras accions se Macron contunha de refusar de los rescontrar. Pasmens, sembla que, lo 17 d’octòbre, una delegacion d’elegits del departament de Cruesa serà recebuda pel cap de l’estat francés. Cruesa es un departament de Lemosin que conten las encontradas de la Combralha Lemosina, de la Montanha Lemosina, la Nauta Marcha, del País de Borgon Nuòu, del País de la Sostrana e del País de Vinhana.
 
 
 

 
 
 
Qualques elegits an tornat lo retrach, del temps que d'autres lo cremavan:
 

 
 
 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Eble de Ventadorn
9.

An plan fait de retraire lo pertrait de la dictatura dels merdats que trepeja democracias e republicas pertot ont s'impausa sense cap mai discussion possible de projècte politic. L'ultraliberalisme es una dictatura,, e los quites elegits son ara a se'n mainar. Lo dever del ciutadan davant la tirania es l'insureccion ; aquò's inscrit dins la declaracion dels dreits umans e ciutadans.

  • 4
  • 0
francesc palma
8.

Davant lo tiran non hi ha altra solucion que la luita.

  • 2
  • 0
Reinat TOSCANO LO VAU
7.

#1 Pas luènh de Ventadorn, aut luèc de la cultura occitana!

  • 8
  • 0
Lo raiòu Cevenas
6.

De gas lacrimogèna sus los cònses de la Republica ? Aurem tot vist ! A pas solament 40 ans lo Macaròni e voldriá aleiçonar los cònses de França ? Lurs apréner la vida amai coma se laissar despossedir de son autonomia ? Coma laissar crebar los territòris ruraus ?!
Encara quauques mes e sarem lèu a Carnaval. Languisse lo jutjament. M'agradariá de dançar a l'entorn d'una codena de pòrc chabusclada finalament...

  • 6
  • 0
Guilhèm Thomas Tolosa
5.

òsca !

  • 7
  • 0

Escriu un comentari sus aqueste article