Bandièra01 1180x150: Comuna de Tolosa

Actualitats

Macron càmbia quatre ministres del govèrn francés

Après la nominacion de Castaner coma nòu ministre de l’Interior, son ja quatre los ministèris modificats, çò que causa als electors franceses una sensacion de crisi de govèrn

Lo president francés, Emmanuel Macron, a degut renovelar sos ministres, après de successivas demissions. Ièr de matin l’Elisi confirmava la nominacion de son nòu ministre de l’Interior, qu’ara serà Christophe Castaner.
 
Castaner, èx-deputat provençal e pereu ancian cònsol màger de Forcauquier, èra fins al moment l’encargat de las relacions amb lo parlament e es considerat coma una persona que Macron li fa plena fisança. D’efièch, lo nòu ministre a donat son sosten a Macron dempuèi lo començament de sa carrièra politica.
 
La casuda de quatre ministres causa als electors franceses una sensacion de crisi de govèrn. Una crisi que Macron espèra de superar amb la lista dels nòus noms, entre los quals cal citar lo ministre de l’agricultura, lo daufinenc Didier Guillaume, èx-president del grop socialista al Senat francés e èx-cònsol del Borg dau Peatge. Tanben quatre secretaris d’estat an integrat lo govèrn, dont la deputada de Bordalés Christelle Dubos, nomenada al près de la ministra de las solidaritats e de la santat.
 
Fa doas setmanas, Gérard Collomb anoncièt sa demission coma ministre de l’Interior. Tanben a calgut remplaçar los ministres de l’agricultura e de la cultura, e lo ministre de la transicion ecologica e de la solidaritat, Nicolas Hulot, qu’anoncièt en fin d’agost sa demission en disent: “Me vòli pas pus mentir”. Hulot aviá denonciat las pressions dels lobbies sus las politicas environamentalas e lo modèl liberal existent.

Pasmens, coma o denóncia lo jornal francés Libération, los lobbies e lo modèl liberal son totjorn presents dins lo govèrn Philippe: Emmanuelle Wargon, la nòva secretària d'estat al près del successor de Nicolas Hulot a la transicion ecologica, faguèt de lobbying pel poderós grop agroalimentari Danone.





abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
4.

Coma diguèt l'autre, aquò a fach PSCHIT!

  • 1
  • 0
francesc palma
3.

Melhor qu' es canvie a el. En sobre un ! Au Arruix !

  • 2
  • 0
Mèfi! 31
2.

Pas besonh de lobby, le govèrn es un lobby de per se.
Es una interfàcia entre le President e les grandes interèsses economics, en fàcia del pòble, menut com grand... Mascarada...

  • 4
  • 0
Papioli
1.

Una sensacion de crisa de govern?
Jamai es pas tertant rit!

  • 0
  • 0

Escriu un comentari sus aqueste article