La nominacion del nòu secretari d’estat francés Laurent Nuñez a fach de bruch en Bretanha. La rason n’es l’emplec del caractèr “ñ” sens cap de problèma. L’afar del petit Fañch Bernard es ben conegut pels bretonistas, car l’estat francés li permetèt pas d’oficializar son prenom après quatre meses de batalhas judiciàrias, precisament a causa del caractèr “ñ”, refusat en nom d’un supausat respècte de la lenga francesa.
 
Lo pòrtavotz de l’associacion Skoazell Vreizh, que pren en carga las despensas de justícia de la familha de Fañch Bernard, explica: “Es çò qu’èra estat mes en exèrg per l’avocat durant lo procès. Aviá utilizat l’exemple de Laurent Nuñez per dire que lo tilde met pas en perilh l’unitat de França”. Nuñez èra alavetz lo cap de la DGSI.
 
De son caire, lo president del Conselh Cultural de Bretanha, Bernez Rouz, se demanda, se lo caractèr “ñ” “es legal a la pus nauta cima de l’estat, perqué se pèrd tant de temps e d’argent per l’Ñ de Fañch?”
 
 

#fañch Le vrai nom du nouveau secrétaire d'état auprès du ministre de l'intérieur est Laurent Nuñez, avec un Ñ. https://t.co/XUeCkrAPDL
Le Ñ est donc légal au plus haut sommet de l'état. Pourquoi perd-t-on autant de temps et d'argent pour le Ñ de Fañch ? pic.twitter.com/nieLDoUx1i

— Bernez Rouz (@BernezRouz) 16 d’octubre de 2018