CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 26 d'octòbre de 2018, 03h00 Economia,Internacional,Politica

França e Espanha pensan de contunhar de vendre d’armas a l’Arabia Saudita

França foguèt en 2017 lo tresen exportator d’armas al Mond e l’Arabia Saudita n’es un crompaire màger


Comentaris 3 comentaris    
Marrit Flac Bon Plan bon Fabulós (5 vòtes)
carregant En cargar


Los govèrns francés e espanhòl pensan de contunhar de vendre d’armas a l’Arabia Saudita, e mai lo govèrn d’Alemanha aja demandat de suspendre la venda d’armas al país arabi, en protèsta contra la mòrt del jornalista Jamal Khashuqji.


Per Macron, la mòrt de Khashuqji “a res a veire” amb la venda d’armas
 
Pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron dimars al Salon Euronaval de Le Bourget.
 
De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat siá establida”, çò diguèt, malgrat las pròvas.
 
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
 
 
Sánchez prioriza “l’interès d’Espanha”
 
Tanben lo president del govèrn espanhòl, Pedro Sanchez, a anonciat al Congrès dels Deputats que cancelarà pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fa referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
 
Segon Eldiario.es, Sánchez reconeis sa “consternacion” davant l’afar Khashuqji e quitament la manca de dreches umans en aquel país mas afirma que contunharà de vendre d’armas pr’amor que se pòt pas transformar “los ideals en realitats”.
 
Segon Sánchez, la nòrma espanhòla de venda d’armas es comparabla als estandards europèus, e l’estat espanhòl agís sus aquel terren “en seguissent d’autres instruments aplicables” coma la posicion comuna de l’UE, qu’introdutz de critèris estrictes de seguir, lo document OSCDE sus las pichonas armas, e las directivas dels forums internacionals de non-proliferacion.
 
 
 
Alemanha a cancelat la venda d’armas
 
Dimenge passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de la mòrt del jornalista. Parallèlament, los govèrns alemand, britanic e francés publiquèron un comunicat conjonch ont considèran “injustificable” l’assassinat de Khashuqji que condemnan “dins los tèrmes pus energics possibles”.
 
Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas, ara per ara.

 


 
 

abonar los amics de Jornalet
 
 



publicitat
BANER1-2-3: DGPL DICTADES



Comentaris

27 d'octòbre 23.07h

Vendre destructors e armes a Alí Babà e los quaranta laires e criminals, per lo PSOE e la dreta Francesa es una question de molt de negoci personal e moltes comissions a repartir per lo partit, monarca, negociadors de la venda,....


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

26 d'octòbre 09.20h

Lo Macronet rendent omenatge al prince salafista. E tot per las dardenas. Abans ja èra aital, alara ara que l'arlèri de l'Eliseu vòl dirigir França com una banca... O diguèt Vespasian : L'argent a pas d'odor. L'emperaire parlava pissa, lo Jòus me damne se pensa sang. Veire los deputats LREM en servici comandat (ièr, sus LCP per exemple) ensajar de far creire que França a res a veire amb lo masèl de Iemen balha lo vòmit.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

26 d'octòbre 07.10h

Òsca per la fòto ! parla soleta ! Crudèu : tot comentari mei es tròp !


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 19
  • sol Bordèu 19
  • sol Briançon 10
  • sol Caors 19
  • sol Carcassona 20
  • sol Clarmont-Ferrand 15
  • sol Confolent 15
  • sol Gap 8
  • sol La Canau 19
  • sol La Gàrdia 17
  • sol Limòtges 18
  • sol Lo Borg Sant Dalmatz 13
  • sol Lo Puèi de Velai 14
  • sol Marselha 20
  • sol Montpelhièr 20
  • sol Naut Aran 16
  • sol Niça 17
  • sol Nimes 19
  • sol Pau 16
  • sol Peireguers 17
  • sol Rodés 19
  • sol Tolon 19
  • sol Tolosa 19
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Zep Armentano

    Era Mongetada (Val d'Aran 28-29 d'octobre 2017)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Asuèlhs de Lauragués

  • Asuèlhs de Garnagués. © Franc Bardòu

    Asuèlhs de Garnagués

  • © Franc Bardòu

    Coserans al còr

  • © Laurenç Revèst

    Mónegue

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Marion Quenut

    Jornada de protèsta contra lo barratge del Testet, a Sivens

  • Josette Moll

    Concors de preseps de Jornalet 2017

  • © Zep Armentano

    XI prèmis Gaudí de l'Acadèmia Catalana del Cinèma

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Valadas. © Xavi Gutiérrez Riu

    Valadas

  • © Asalaís Moniguet

    Montpelhièr la lengadociana

  • © Laurenç Revèst

    Menton, 'a vivaroalpenca maritima

  • Occitan e economia: "occitanitat mai o mens visibla"

  • Estivada 2013. © Guillem Sevilla

    Estivada 2013

  • Chapela de Sant Bernat. © Andrea Celauro

    País d'Aison (Val d'Estura)

  • Mentan

  • Omenatge a Aragon. © Franc Bardòu

    Omenatge a Aragon

  • Grépia de l'Ostal Sirventés (Cercle occitan del país de Carcassona). © Mirelha Braç

    Concors de Nadal de Jornalet: Cossí se passan las Calendas en cò vòstre?

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)