Actualitats
La cançon d’Anthony Joubert qu’encoratja lo movement dels Gilets Jaunes
L’umorista arlatenc l’a facha per encoratjar lo mond a participar a la jornada estatala de protèsta contra lo prètz dels carburants
Tot lo país, franc d’Aran, de Mónegue e de las Valadas, jonguèt ièr dissabte la jornada estatala de manifestacions e de barratge d’estradas en protèsta contra lo pojada del prètz dels carburants. Es lo movement dich dels “Gilets Jaunes“ en referéncia a las casublas fluorescentas que pòrtan los menaires quand lor cal quitar la veitura en cas d’urgéncia.
Demest los centenats de milièrs de manifestants, i èra Anthony Joubert, un comedian, cantador e umorista d’Arle (Camarga). Aqueste, per encoratjar lo mond a participar a la jornada estatala de protèsta, faguèt una cançon, la publiquèt sus YouTube e es venguda virala suls rets socials.
“Escrivi de cançons en assajant lo mai dau temps que peguen amb de subjèctes d’actualitat. Quand ai començat de veire qu’un movement ciutadan emergissiá a l’entorn dau 17 de novembre, m’a semblat logic de n’escriure una sus lo subjècte”, çò diguèt lo cantador camarguenc a Midi Libre.
En mai d’aquò, Joubert anullèt quitament l’espectacle que deviá far dissabte per solidaritat e per participar a la protèsta.
Demest los centenats de milièrs de manifestants, i èra Anthony Joubert, un comedian, cantador e umorista d’Arle (Camarga). Aqueste, per encoratjar lo mond a participar a la jornada estatala de protèsta, faguèt una cançon, la publiquèt sus YouTube e es venguda virala suls rets socials.
“Escrivi de cançons en assajant lo mai dau temps que peguen amb de subjèctes d’actualitat. Quand ai començat de veire qu’un movement ciutadan emergissiá a l’entorn dau 17 de novembre, m’a semblat logic de n’escriure una sus lo subjècte”, çò diguèt lo cantador camarguenc a Midi Libre.
En mai d’aquò, Joubert anullèt quitament l’espectacle que deviá far dissabte per solidaritat e per participar a la protèsta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los jecs grocs se portan plan. Urrà ! la luita obrera contra lo nacisme.
"Tot lo país, franc d’Aran, de Mónegue e de las Valadas"
Tanpauc La Gàrdia Piemontesa ni Pigüé i participèron pas.
Mas si-ben la França tota, dins una granda e polida protèsta nacionala e populara, Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari