Bandièra01 1180x150: Comuna de Tolosa

Actualitats

Gareth Thomas a denonciat una agression omofòba

La polícia de Cardiff li a permés de far una justícia restaurativa amb l’assalhidor

L’esportiu galés Gareth Thomas, ancian alièr de l’Estadi Tolosan de 2004 a 2007, foguèt dimenge passat victima d’una ataca omofòba a Cardiff. O denoncièt dimenge passat sus son compte de Twitter amb un vidèo ont explicava son agression e que la polícia li aviá permés d’entamenar un dialòg amb l’agressor per far una “justícia restaurativa”. Aquela practica consistís a far dialogar victimas e assalhidors.
 
 
Una agression “positiva”
 
“Soi estat victima dins ma vila d’una ataca en rason de mon orientacion sexuala”, çò explica l’esportiu. E mai ditz que considèra que se tracta de quicòm de positiu: d’efièch, la polícia li a permés de far una justícia restaurativa, çò que n’es fòrça reconeissent car pensa que l’agressor “poiriá aprene mai atal que de tota autra manièra” per mejan del dialòg caracteristic d’aquela practica.
 
Segon la polícia locala, un adolescent de 16 ans a reconegut l’agression comesa lo 16 de novembre passat dins lo centre de Cardiff. L’assalhidor a fach sas excusas per son acte e a acceptat de participar a aquela justícia restaurativa.
 
Gareth Thomas se retirèt en 2011, quand èra capitani de l’esquipa de rugbi del País de Galas.  Dempuèi alara milita pels dreches del collectiu LGTBI. En junh passat s’associèt al deputat conservator Damian Collins per fin de presentar una proposicion per illegalizar los comportaments omofòbs dins los estadis britanics.
 
 
Sosten de l’esquipa de XV de França
 
Uèi, l’esquipa de rugbi de XV de França jogarà amb las colors de l’arcolan, drapèl de la comunautat LGTBI, en sosten a Gareth Thomas.
 
 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article