Bandièra01 1180x150: Comuna de Tolosa

Actualitats

Tolosan: cinc cònsols màgers en justícia per aver permés als ciutadans de causir se volián lo comptador Linky o non

Los cònsols màgers de Blanhac, Castanet Tolosan, Portèth de Garona, Ramonvila e Riumas an anonciat que se recampavan per se defendre ensems davant los jutges

| Ener356
Cinc cònsols màgers de Tolosan, de diferentas colors politicas, los an denonciats en justícia per aver permés als ciutadans de lors comunas de causir liurament se volián lo comptador Linky o non. Los cònsols màgers de Blanhac, Castanet Tolosan, Portèth de Garona, Ramonvila e Riumas an anonciat que se recampavan per se defendre ensems davant los jutges.
 
A fòrça d'èsser interpelats per lors administrats, inquiets per lor santat o lors libertats individualas, sus l'obligacion d'acceptar o non la pausa d'un nòu comptador Linky, los edils decidiguèron de prene d'arrestats municipals per impausar a l'operator Enedis de reculhir l'acòrdi prèvi de l'usatgièr abans tota installacion, çò rapòrta France 3. En seguida de lor decision, lo prefècte del departament de Nauta Garona los denoncièt al tribunal administratiu.
 
E mai aguèsson ja suspenduts pro d’articles d'aqueles arrestats municipals, los cinc cònsols s'amassèron a Riumas lo 19 de novembre passat, determinats a manténer lor posicion e convéncer la justícia administrativa. Per o far, an anonciat qu'anarián menar davant lo tribunal una accion conjoncha sul fons, pertocant la libertat d'acceptar o non la pausa dels comptadors Linky. O faràn per mejan d'un avocat comun.
 
Los comptadors Linky mesuran e transmeton dirèctament las donadas al provesidor d’electricitat, en permetent una facturacion mai precisa e en necessitant pas pus lo passatge d’un tecnician per legir lo comptador. En mai d’aquò, permet de far d’intervencions a distància. Mas son de mai en mai nombroses los ciutadans que refusan aqueles comptadors car, d’un latz, parlan d’ataca contra la vida privada e de l’autre s’inquietan de risques sanitaris.

 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
5.

E Porteth non es "de Garona", mas de Comenge…

  • 3
  • 0
Franc Bardòu
4.

Per exemple, non i a de Castanet *Tolosan, mas un Castanet Tolzan…

  • 3
  • 0
Franc Bardòu Tolosa
3.

Un Tolosan es un abitant de la ciutat de Tolosa. Lo país de Tolosa se ditz lo País Tolzan.

  • 3
  • 0
Pitaluga
2.

Se vei que la democracia (libertat de causir) gèina fòrça. E, coma es cada còp mai frequent aicí e endacòm mai, los democratas se trapan al tribunal. La tòca es de tocar lo pòrtamoneda per los descoratjar.
Quant al prefècte, un de mai que s'ajusta a la tièra de prefèctes nocius, als òrdres d'un govèrnament autoritari e dels grands grops (EDF, fangas rojas...).

  • 10
  • 1
LACHHAUD
1.

Fin finala, una bona novela.
Linky permet pas una facturacion mai precisa mas de far variar la facturacion segond las oras d'utilisacion , veire la mieja-ora coma en angleterra . De mai lo calcul de la facturacion es pas lo mesme per lo compteur Linky que per l'ancien comptador. Daus uns an vist lòr facturacion emben lo linky doblar, veire triplar.
Las ondas utilisadas per Linky son tanben accusadas de provocar daus dereglaments dins lo fonccionament de l'esser uman. Las ondas per lo nuòu malhum 5G seron engueras mai nocivas.
I aguet daus incendias provocats per lo comptador Linky perque lo personau d'Ennedis es pas pron qualifiats per l'installar.
Alaidonc, una afar a segre.

  • 5
  • 0

Escriu un comentari sus aqueste article