Actualitats
Un culte ininterromput dempuèi lo 26 d’octòbre per empachar l’expulsion d’una familha
La glèisa protestanta Bethel, a l’Aia, protegís atal una familha armènia que vòlon expulsar. La lei dels Païses Basses empedís que la polícia interrompa los servicis religioses
Lo 26 d’octòbre passat, comencèt un ofici religiós protestant de 24 oras sus 24, 7 jorns per setmana, dins una glèisa de l’Aia (Païses Basses). Per ara, son mai d’800 oras d’una celebracion que contunha. La tòca es pas d’aténher un nòu recòrd, mas se cèrca d’empachar l’expulsion d’una familha armènia protegida dins aquela glèisa. La lei dels Païses Basses empedís que la polícia interrompa los servicis religioses.
Sasun Tamrazyan, Anousche Tamrazyan e lors tres enfants fugiguèron Armenia car lo paire de la familha èra menaçat a causa de son activisme politic. Arribèron als Païses Basses en 2009 e i demandèron l’asil politic.
Mas en setembre passat saupèron que l’estat aviá l’intencion de los expulsar. Alavètz demandèron d’ajuda per mejan dels rets socials, e la glèisa protestanta de l’Aia lor prepausèt de los aculhir dins la glèisa Bethel e de los protegir amb aquel culte ininterromput. Mentretant, la glèisa en question a publicat un comunicat que demanda “una solucion umanitària” per la familha. “E mai qualques jutges considerèsson que lor caliá concedir l’asil, fin finala lo Conselh d’Estat decidiguèt l’expulsion de la familha. An quitament refusat lo drech d’asil dels enfants pr’amor que fa mai de 5 ans que vivon dins lo país”.
E mentretant, los pastors d’aquela glèisa se relèvan per poder far lo culte ininterromput.
La filha ainada de la familha, Hayarpi Tamrazyan, explica la vida vidanta de la glèisa sus son compte de Twitter.
Sasun Tamrazyan, Anousche Tamrazyan e lors tres enfants fugiguèron Armenia car lo paire de la familha èra menaçat a causa de son activisme politic. Arribèron als Païses Basses en 2009 e i demandèron l’asil politic.
Mas en setembre passat saupèron que l’estat aviá l’intencion de los expulsar. Alavètz demandèron d’ajuda per mejan dels rets socials, e la glèisa protestanta de l’Aia lor prepausèt de los aculhir dins la glèisa Bethel e de los protegir amb aquel culte ininterromput. Mentretant, la glèisa en question a publicat un comunicat que demanda “una solucion umanitària” per la familha. “E mai qualques jutges considerèsson que lor caliá concedir l’asil, fin finala lo Conselh d’Estat decidiguèt l’expulsion de la familha. An quitament refusat lo drech d’asil dels enfants pr’amor que fa mai de 5 ans que vivon dins lo país”.
E mentretant, los pastors d’aquela glèisa se relèvan per poder far lo culte ininterromput.
La filha ainada de la familha, Hayarpi Tamrazyan, explica la vida vidanta de la glèisa sus son compte de Twitter.
Avondmaal vanavond
— Hayarpi (@hayarpi_3) 19 de novembre de 2018
En
"Waak, Gij Schepper, als wij slapen"
Want Hij slaapt en sluimert niet pic.twitter.com/8ljnqtKH4i
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Son moltes 800 horas de celebracions religiosas. Cresi que se son paire corria perilh, per son activisme politic, los haurian de donar l'asil politic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari