Actualitats
Lo revenge espanhòl: un filme documentari de la television finlandesa sus la repression en Catalonha
Lo realizaire del filme, Pertti Pesonen, ditz que son intencion es pas de mostrar la situacion politica de Catalonha, mas la situacion personala dels presonièrs politics
La television publica finlandesa ven de far un filme documentari entitolat Lo revenge espanhòl sus la duretat de la repression contra los independentistas catalans. Lo filme vira a l’entorn de Txell Bonet e Laura Masvidal, las companhas de Jordi Cuixart e Joaquim Forn, dos dels presonièrs politics catalans que dempuèi mai d’un an son embarrats en preson preventiva. Lo documentari mòstra la duretat de la preson, los efièches sus la vida vidanta e los longs viatges fins a las presons de l’entorn de Madrid per los vesitar.
Lo realizaire del filme, Pertti Pesonen, a dich que son intencion es pas de mostrar la situacion politica de Catalonha, mas la situacion personala dels presonièrs politics que, segon el, es “prigondament injusta”. Pesonen critica tanben la repression de l’estat espanhòl lo jorn del referendum d’independéncia, lo 1r d’octòbre de 2017. “Se cèrcan de ganhar los còrs de las gents, es pas amb de matracas qu’aquò es possible”, çò ditz.
Lo realizaire del filme, Pertti Pesonen, a dich que son intencion es pas de mostrar la situacion politica de Catalonha, mas la situacion personala dels presonièrs politics que, segon el, es “prigondament injusta”. Pesonen critica tanben la repression de l’estat espanhòl lo jorn del referendum d’independéncia, lo 1r d’octòbre de 2017. “Se cèrcan de ganhar los còrs de las gents, es pas amb de matracas qu’aquò es possible”, çò ditz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Cal dire qu'en Finlàndia i a de centenats de milièrs de gents que son de lenga suedesa e que los emmèrdan pas coma en Espanha los bascos e los catalans.
Per un cop mai: Visca Finlàndia !
#2 Es verai, e lei podètz sostenir en anant a http://vagadefam.cat/#/denuncia
Uèi los presonièrs Jordi Sànchez i Jordi Turull començan una cauma de la fam.
Es aquò que cal far: internacionalizar la repression en Catalonha e defendre lo drech de pensar liurament, e de voler èsser liures.
Far vergonha a Espanha, es una primièra etapa. La segonda es far tombar lo borbonisme inic e raubaire. Los quites espanhòls poiràn mercejar los catalans d'aver començat, eles, de saquejar l'estaca manjada pel poiridum.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari