Bandièra01 1180x150: Comuna de Tolosa

Actualitats

França ratificariá la Carta Europèa de las Lengas Regionalas o Minoritàrias

O ditz lo Ministèri de la Cultura, en responsa a Roland Courteau, senator d’Aude, mas precisa pas quora se farà

Aurélie Filipetti, ministre de cultura e comunicacion
Aurélie Filipetti, ministre de cultura e comunicacion | Daniel Bracchetti
“França metrà en òbra lo procès de ratification de la Carta Europèa de las Lengas Regionalas o Minoritàrias, en acòrd amb l’engatjament del president de la Republica”, çò diguèt dijòus 15 de novembre lo Ministèri de la Cultura e de la Comunicacion, en responsa a una question escricha depausada en fin d’agost al Senat per Roland Courteau, senator del departament occitan d’Aude.
 
“Aquel trabalh serà fach d’un biais transversal e cooperatiu, e cercarà, en connexion estrecha amb los parlamentaris e l’ensemble dels elegits, d’assegurar un plen desvolopament a las lengas de França”, çò apondèt lo ministèri, sens precisar quora s’aviarà lo procès de ratification.
 
Aquela Carta Europèa foguèt signada en 1999 per Lionel Jospin, quand èra primièr ministre, mas lo president d’alavetz, Jacques Chirac, ne refusèt la ratificacion.
 
Ara per ara, França es en retard a respècte dels sieus partenaris europèus dins lo domeni de la reconeissença dels dreches lingüistics. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sant Miquel de la Roqueta Ripoll (Catalonha)
6.

Onorabla Ministra Filipetti: Perqué començan pas los sieus companhs de lo sieu gavinet a respectar las lengas monoritzades? O disi perqué lo sieu companh, lo Ministre d'Interior Manuel Valls (filh de catalan e que sap parlar catalan) quand èra de visita a Catalonha nòrd e una jornalista li faguèt una question en catalan, li diguèt: "vos me metètz en un problèma: es qu'un ministre francés li caldriá parlar en catalan?" Veire lo ligam, a comptar de la minuta 1:52 http://link.brightcove.com/services/player/bcpid1272681530001?bckey=AQ~~,AAABJqdX80E~,mDE8qo0guFF8q3vRM6a0XgJxYCDNYLMG&bctid=1769121825001

  • 3
  • 0
Sant Miquel de la Roqueta Ripoll (Catalonha)
5.

Estat francés e defendre las lengas minoritzades (pas minoritàrias) es un oximoron.

  • 1
  • 0
Batko
4.

Aquesta, que l'an dejà hèita mei d'un còp ... Seré pervist au calendari governamentau tot escàs après la votacion deus estrangèrs, qu'an dit ...

  • 2
  • 0
Fantassin Manel Barcelona
3.

Han après dels espanyols que la ratificació dóna Prestigi però no implica haver de fer res de res. Potser de tant en tant rebran alguna crítica dins algun informe europeu... però ara mateix ja reben crítiques i tampoc no passa res.

  • 5
  • 0
Faidit Comuns
2.

Paraula de franchimand val pas un pet de conilh

  • 5
  • 1

Escriu un comentari sus aqueste article