CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julhet

Actualitats

Diluns, 3 de decembre de 2018, 03h00 Internacional,Politica,Societat

Catalonha e Aran se mobilizan per la cauma de la fam dels elegits encarcerats

L’ANC anóncia que i aurà desenant una tièra d’accions per que se proclame l’independéncia unilateralament e per denonciar internacionalament la violacion dels dreches politics dels ciutadans


Comentaris Un comentari    
Marrit Flac Bon Plan bon Fabulós (4 vòtes)
carregant En cargar


La cauma de la fam que comencèron dissabte passat los presonièrs politics catalans Jordi Sànchez e Jordi Turull es a recebre un sosten estrambordant. Mai de 170 000 personas an aderit a la denóncia que fan los caumaires contra lo Tribunal Constitucional espanhòl que, çò dison, blòca lors recorses per evitar qu’arriben a la justícia europèa. Lo sit vagadefam.cat compta en temps real lo mond qu’aderisson a la denóncia e lo temps de cauma.
 
Sus aquel sit, los dos caumaires an publicat una letra ont asseguran que vòlon donar un nòu vam a la dicha “revòlta dels sorrires“ e demandan que lor cauma de la fam destorbe l’esperit dels rescontres de celebracion de las fèstas de Nadal. Dins la letra, Turull e Sànchez demandan tanben lo sosten de “totes los democratas de Catalonha, d’Espanha, d’Euròpa e del Mond”.
 
 
Obligats de se seire a taula
 
L’avocat dels dos caumaires a denonciat que los caumaires son obligats de se seire a taula al refectòri de la preson; e mai Jordi Turull deu retirar los platèls e getar las rèstas del manjar a las escobilhas. L’avocat reconeis que lo protocòl de las presons es atal mas que lor deurián desliurar d’aquò. “Es pas la mteissa causa qu’èsser dins la cellula o a l’infirmariá sens accès a la possibilitat de veire lo manjar”.
 
 
Acamp a la preson
 
Mentretant, aperaquí doas mila personas s'acampèron ièr ser davant la preson de Lledoners per mostrar lor solidaritat amb los caumaires, en respondent a la crida de l’Assemblada Nacionala Catalana (ANC). Los manifestants entornegèron lo centre penitenciari e faguèron un cercle de lutz amb lors telefòns mobils.
 
S’agís de la primèra manifestacion d’una “tièra d’accions per establir una estrategia partejada amb totes los actors independentistas per fin de donar de vam a la via unilaterala e denonciar internacionalament la violacion dels dreches politics dels ciutadans catalans”, çò a dich l’ANC, que precisa que totas las accions seràn non violentas.
 
En mai de mostrar de solidaritat amb los presonièrs, l’assemblada acusa l’estat espanhòl de far d'un drech universal dels pòbles un delicte de rebelion: Cal pas confondre la lucha per l’autodeterminacion amb la lucha contra la repression”.
 



 
 
 
De manifestacions en Catalonha e Aran
 
La solidaritat amb los caumaires se manifestèt tanben per carrièras en divèrsas vilas. En Aran, l’acamp se tenguèt sus la plaça de la glèisa de Vielha en responsa a la crida de Taula per Aran.
 

 
 
Reaccion del govèrn espanhòl
 
Après l’anóncia de la cauma de la fam, lo govèrn espanhòl reagiguèt sul pic per assegurar que los presonièrs politics catalans aurián un jutjament just, coma totes los ciutadans. Lo govèrn de Pedro Sánchez insistiguèt per dire qu’en Espanha i a la separacion dels poders e que la justícia “es la sola que pòsca prononciar de senténcias”. 
 
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

3 de decembre 23.32h

Llibertat presos politic. Arruix franquisme ! Foteu al camps franquistes!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Castelar

  • Goulamàs'K a Bordelha (Rebeiragués) lo 9 de julhet 2012

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Laurenç Revèst

    Fòrt Maginòt de Sant Anhe

  • © Laurenç Revèst

    Besièrs, preséncia d'occitan en ciutat e CIRDOC

  • Briga (val de Ròia)

  • Pòrt de Niça: Li galeras

  • © Conselh Generau d'Aran

    Lo Torn de França 2016 en Aran

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • Valadas. © Xavi Gutiérrez Riu

    Valadas

  • © Asalaís Moniguet

    Montpelhièr la lengadociana

  • © Iñaki Delaurens

    Val d'Aran

  • © Laurenç Revèst

    Menton, 'a vivaroalpenca maritima

  • Grépia de l'Ostal Sirventés (Cercle occitan del país de Carcassona). © Mirelha Braç

    Concors de Nadal de Jornalet: Cossí se passan las Calendas en cò vòstre?

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Asuèlhs de Menerbés. © Franc Bardòu

    Asuèlhs de Menerbés

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Franc Bardòu

    Tèrra albigesa

  • © Franc Bardòu

    Asuèlhs de Lauragués

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)