CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dijòus, 6 de decembre de 2018, 03h00 Politica,Sciéncia

L’escalada de las violéncias policièras contra los Gilets Jaunes

La violéncia de la polícia francesa per reprimir aquela crisi sociala es estada extrèmament inquietanta e sens precedents


Comentaris 15 comentaris    
Marrit Flac Bon Plan bon Fabulós (7 vòtes)
carregant En cargar


Lo movement dich dels Gilets Jaunes, que comencèt amb de protèstas contra la pojada dels prèses dels carburants e las politicas economicas del president Emmanuel Macron, a provocat una crisi politica dins l’estat francés, que son govèrn a ensajat de reprimir amb una violéncia policièra desmesurada amb un bilanç d’un uèlh perdut, de tres mans arrancadas, d’una gauta trencada, d’un jove dins lo còma e d’una femna mòrta entre las mans de la polícia.
 
Es verai que las protèstas dels Gilets Jaunes an portat d’episòdis de susmautas inedits coma la batalha a l’entorn de l’Arc de Trionf de París, e en Occitània l’incendi de la prefectura del Puèi de Velai o los 19 gendarmas nafrats al Polzin (Bas Vivarés). Avèm vist de barricadas, non solament a París mas tanben al país nòstre, particulièrament a Marselha e a Tolosa, ont tanben los manifestants an vandalizat de veirinas e de veituras. Dins aquel sens, lo ministre francés de l’Interior, Christophe Castaner, qualifiquèt los actes violents “d’extrèmament grèus, d’indignes e de vergonhoses” e lausèt sens nuança “lo coratge e l’abnegacion” de las fòrças de l’òrdre. Es atal que tant Macron coma Castaner se son renduts responsables d’accions contràrias a la deontologia e a l’origina de nafras fòrça grèvas, d’amputacions, del còma d’un jove tolosan e de la mòrt d’una marselhesa.
 
Lo quotidian de l’ecologia Reporterre rapòrta las violéncias policièras descadenadas per reprimir lo movement dels Gilets Jaunes, e lor bilanç es extrèmament inquietant e sens precedents.
 
 
Tres mans arrancadas per de grenadas GLI-F4
 
Dempuèi lo 17 de novembre passat, tres personas an perdut una man, doas a París e una dins l’illa de la Reünion, a causa de las granadas explosivas GLI-F4 que las emplegan las CRS, çò es los grops d’intervencion de la polícia nacionala francesa. Lo modèl GLI-F4 conten 25 grams de TNT e aviá ja amputat, abans, una man a Kernitron-al-Lann (Bretanha) dins la prima passada. A París solament, lo 1r de decembre passat, las CRS lancèron 339 granadas d’aquel modèl controversiat. França es lo sol país d’Euròpa a se’n servir contra sa populacion.
 
 
Lo flash-ball, l’arma pus perilhosa
 
Un autre dels projectils emplegats per la polícia francesa son las nomenadas balas de defensa (LBD), tanben apeladas flash-ball. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas.
 
Lo 24 de novembre passat a París, una d’aquelas balas causèt la pèrda d’un uèlh a un òme de 59 ans.
 
 
De tragèdias en Occitània
 
En Occitània, la polícia a provocat de vertadièras tragèdias: a Bordèu, una bala LBD arranquèt la gauta de Guy Bernièr, un òme de 60 ans; a Tolosa, un jove nomenat Benoît es dins lo còma a causa d’un impacte al cap, e a Marselha Zineb Redouane, una femna d’80 ans, foguèt tuada mentre que barrava los contravents de son apartament.
 
A Redouane lo projectil li tustèt la cara del temps que barrava los contravents de son apartament, al 4n estatge d’un immòble près de la Canebiera. Foguèt ferida dissabte e la menèron a l’espital de la Timona e puèi al de la Concepcion, ont moriguèt dimenge, dins una intervencion cirurgicala.
 
Tanben los jorns del jove Benoît de Tolosa son menaçats. Un tir de flash-ball li toquèt lo cap e es dins lo còma. Ara cal saber se la polícia a respectat las consignas d’utilizacion d’aquela arma dins lo cas precís d’aquel tir, qu’a talament ferit un gojat de 2 mètres e 90 kg.
 
 
Tabassat a París
 
Un autre exemple de l’extrèma violéncia policièra d’aquestes darrièrs jorns lo mòstra lo vidèo que seguís. A París, uèch policièrs en tenguda antisusmauta tabassèron un jove solet a còps de pè e de matraca del temps que l’insultavan en li disent “filh de puta”.
 
 

 





 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

10 de decembre 22.42h

L'enemic public numero un de França : Macrona!


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

9 de decembre 09.23h

#13 Plan vertat, lo Macron es pas sortit parlar als gilets jaunes perque a saique agut paur de se retrobar la camisa arrancada e escaiçada coma aquel d.r.h. d'Air France. Pro plasent per un tipe que per estofar l'escandol BenAllà fasia lo mariol en disent "que me vengan cercar !".


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

9 de decembre 02.46h

Quand totas las autras viás pacificas an cacats, segur la violença es necessària ! Lo sindicalista Xavier Mathieu ne'n rapelava justament la necessitat sobre lo platèlh de Canal+ pendent la polemica de las "chamisas arranchadas" de fai quauques mes...

www.youtube.com/watch?v=DlDAxBQ4fzM
www.youtube.com/watch?v=M7NYXh-PVf4&feature=youtu.be&t=3703


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

8 de decembre 13.28h

#10 Fasètz coma tot lo monde legissètz Jornalet perque es gratuit e que n’ i a pas d’autre.
Lo microcòsme occitanista i es acostumat aquò rai. S’es totjorn apiejat sus los que l’an acceptat, valent a dire los extremismes de drecha o d’esquèrra... segon las epòcas.
Piètras ajudas car son d’ideologias patologicas e aquò explica ont ne sèm : dins las simplificacions e las caricaturas...òc duscas a la tota fin, lo patoès farà rigolar.
Me maca.


Valoriza aqueste comentari:   votar positiu 0   votar negatiu 4
Respondre comentari replica Comentari inadeqüat   Formulari d'abús de comentari

7 de decembre 20.07h

Insureccio ! Farem tot petar !


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

7 de decembre 14.33h

Quand vesi un titol coma aquò me demandi se me cal contunhar de legir jornalet ?
Cal se mesfisar de far pas lo juòc del totalitarisme.
França ne'n pren lo camin ambe l'ajuda dels jornalistes.


Valoriza aqueste comentari:   votar positiu 4   votar negatiu 5
Respondre comentari replica Comentari inadeqüat   Formulari d'abús de comentari

7 de decembre 12.15h

#7 Te perdoni tot!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

6 de decembre 22.43h

Los moneots pegant a una brutal palhissa a un manifestant que demanava que no pujassen los prets. Colha de nazis !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

6 de decembre 22.32h

#4 Eticament, Manu, te rejonhi. Mas pragmaticament, los Basques e, dins una mersura mendra totun, los Còrses, fins ara, an obtengut plan mai de l'adversari que non pas los nòstres fraires Catalans — sense parlar de nosautres, los Occitans…

M.L. King a capitat… de demorar non-violent, ni res mai. Se fintam de près las chiffras economicas actualas, la populacion afroamericana als EUA patís, encara uèi, fòrça mai la misèria que non la "caucasiana", amalgrat lo polit simbòl del pres... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

6 de decembre 19.39h

#4 Gandhi, sens demesir sos meritis, aguèt l'avantatge de la suspresa: èra lo primièr còp que s'emplegava la non violéncia en politica. Marin Luther King moriguèt abans d'aver capitat. E los catalans son pas encara al cap del camin e sabèm pas cossí acabarà.
Aquò dich, cal evitar a tot pèrdre la violéncia e esperar que los catalans poiràn capitar sens tombar dins las trapèlas de las provocacions espanholistas.
Quant als gilets jaunes, coma ja es estat dich, se i a lo fuòc es ben ... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 30
  • sol Bordèu 30
  • sol Briançon 25
  • sol Caors 30
  • sol Carcassona 28
  • sol Clarmont-Ferrand 31
  • sol Confolent 29
  • sol Gap 22
  • sol La Canau 30
  • sol La Gàrdia 30
  • sol Limòtges 30
  • sol Lo Borg Sant Dalmatz 26
  • sol Lo Puèi de Velai 28
  • sol Marselha 29
  • sol Montpelhièr 29
  • sol Naut Aran 25
  • sol Niça 26
  • sol Nimes 30
  • sol Pau 26
  • sol Peireguers 30
  • sol Rodés 30
  • sol Tolon 31
  • sol Tolosa 28
  • sol Valença 30

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Fòrt Maginòt de Sant Anhe

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • © Franc Bardòu

    País Bordalés

  • © Laurenç Revèst

    Fòrt Maginòt de Sant Anhe

  • © Hug de la Rosa

    Era vila de Les (Aran) a hestejat era declaracion de patrimòni dera umanitat des hèstes deth huec

  • © Franc Bardòu

    Catalonha etèrna

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    Medalhas sovenir

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Aure Séguier

    Carnaval Biarnés 2017

  • Valadas. © Xavi Gutiérrez Riu

    Valadas

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • La Primada de Montsegur, 17 de març 2012

    Primada de Montsegur, 17 de de març 2012

  • Omenatge a Aragon. © Franc Bardòu

    Omenatge a Aragon

  • Bilingüisme italian-occitan. © Andrea Celauro

    País d'Aison (Val d'Estura)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Santons Modèrns? © Aigulf de Cavairac

    Concors de Nadal 2014. Las Calendas en çò vòstre

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)