De temps en temps legissèm dins los mèdias que de ciutadans de qualque vila d’Occitània, o d’endacòm mai, se mobilizan per evitar l’expulsion d’una persona nòuvenguda que, sovent, a demandat l’asil politic a l’estat francés que li l’a refusat.
 
Ara un vidèo publicat sus Facebook lo 1r de decembre passat mòstra un biais crusèl e umiliant d’efectuar aquelas expulsions. Los passatgièrs d’un avion dins lo qual s’expulsava una persona de França s’avisèron que l’òme èra estacat, que li avián escondut lo cap amb un casco de bòxa e qu’una masca li cobrissiá la cara. “Ajudatz-me!”, çò cridava l’òme del temps que los passatgièrs se mostravan indignats per l’inumanitat d’aquel tractament.