Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Se ten uèi a Tolosa la primèra assemblada dels Gilets Jaunes

S’agís de la primièra assemblada generala en Occitània, e dins tot l’estat francés, amb la tòca d’elegir de pòrtavoses e de representants

| @ParayreC
La primèra assemblada generala dels Gilets Jaunes se tendrà uèi a Tolosa a 15h al lac de las Sesquièras, al parcatge. Sa tòca es de causir dos pòrtavoses que representen lo movement per la region qu’a pres lo nom d’Occitània, e una delegacion de cinc personas per portar las revendicacions. La tòca es tanben de fondar amb totes los actors qu’òbran sul terren una estructura e de mejans de comunicacion que permete a tota la region de se poder exprimir e d’èsser ausida, çò rapòrta l’anóncia de l’eveniment creada sus Facebook.
 
Se tracta de la primièra assemblada generala en Occitània, e dins tot l’estat francés, dempuèi lo començament del movement ciutadan, çò rapòrtaLa Dépêche.
 
 
Un milièr e mièg de detenguts
 
Aquesta dimenjada, las protèstas se son tornadas multiplicar per tot l’estat, e quitament en Belgica. Dins aquesta quatrena dimenjada de revòlta, la repression policièra es estada pus fòrta que jamai amb lo desplegament de gaireben 89 000 agents qu’an arrestat preventivament 1385 personas.
 
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Cal lo control del movement dels jecs grocs, hi ha d'haver pas los incontrolats que rompen e fan destrossa. Cal sustot demanar la dimissió del folh de Macrona,

  • 4
  • 4
Pitaluga
3.

#2 Demest las personas arrestadas, avián pas totas d’armas. Se considerèt coma arma (defensiva ?) las masquetas per se premunir contra las granadas lacrimogènas. Per aqueles èra plan d'arrestacions preventivas.
E pensar que tot aqueste rambalh es per encausa d'un dròlle malensenhat embarrat dins sa torre d'evòri!
"Malastruga la vila que son prince es un enfant!"

  • 9
  • 0
Anta Bélvèser
2.

" Dins aquesta quatrena dimenjada de revòlta, la repression policièra es estada pus fòrta que jamai amb lo desplegament de gaireben 89 000 agents qu’an arrestat preventivament 1385 personas."

Apelar " arrestar preventivament" quand la persona ven "manifestar" ambe cotels, bòlas de petanca, martèls, eca, ès un polit eufemisme.
Arrestar aquelas personas qu'avián la volontat d'èstre violentas (se que non, perque venir ambe d'armas?), aban que podessen l'èstre, era pas sonque per la protección de la policia mes tanben per permetre als autres manifestants, la majoritat pacifista, de protestar un pauc mai tranquilament ("un pauc", perque ça que la, n'i a agut, de violença, malurosament).

  • 4
  • 9

Escriu un comentari sus aqueste article