Un parelh de militants dels Gilets Jaunes se son maridats al peatge de Semiac (País de Tarba). Se coneguèron fa un mes sus un barratge estradièr, justament aquí, al peatge de Tarba Èst, s‘enamorèron e se maridèron aquital dissabte passat, 8 de decembre, çò rapòrta La Dépêche.
 
 Èran  abilhats amb lors gilets jaunes: la nòvia portava un vel blanc e una bèla corona de flors jaunas del temps que lo nòvi èra en vèsta e pantalons jaunes. Cadun dels nòvis èra acompanhat de dos testimònis. La ceremònia la menèt a bon tèrme una “consolessa del camp” vestida d‘una perruca tricolòra.
 
L’union dels dos activistas bigordans se debanèt jos los aplaudiments de mai de dos cents Gilets Jaunes.
 
 

A Tarbes, au barrage filtrant de Séméac, ce samedi a été célébré l'union d'un nouveau couple sous les applaudissement de plus de 200 Gilets jaunes.
Nous souhaitons à ces jeunes mariés tout le bonheur mérité et les félicitons de leur engagement avec les Amis Gilets Jaunes 65. pic.twitter.com/E3GKbUs3j0

— Jacques COMTE (@comte00371427) 9 de desembre de 2018