CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimenge, 16 de decembre de 2018, 03h00 Economia,Politica,Societat

Guiana > Bordalés > Medoc

Ford vòl barrar son usina Blancahòrt en agost de l’an venent

L’entrepresa comunicarà deman lo plan social per assegurar los emplecs que son en perilh


Comentaris 3 comentaris    
Marrit Flac Bon Plan bon Fabulós (5 vòtes)
carregant En cargar


Fòrd metrà fin a la produccion de son sit de Blancahòrt (Medoc) en agost de l’an que ven, après aver refusat una ofèrta de Punch Powerglide de crompar l’usina. La societat estatsunidenca assegura que lo plan de Punch Powerglide ofrís pas lo nivèl de seguretat e proteccion que li agradariá per la societat e sos emplegats. Ford anóncia ara un plan social del temps que 870 emplecs perilhan.
 
Lo projècte de Punch assegurava servar 400 d’aqueles emplecs, e saique per aquela rason las administracions de Bordèu Metropòli, de la region nomenada Nòva Aquitània e del Ministèri francés de l’Economia avián quichat Ford. Cresián que lo plan de represa de Punch èra lo mai credible e rasonable. Ara cal esperar fins al 17 de decembre venent. Mentretant, la lucha dels salariats contra lo barrament de l’usina contunha.
 
 
Tot se jòga deman
 
Ford Aquitaine Industries (FAI) anóncia un plan social. “FAI a partejat amb son comitat d’entrepresa una analisi preliminària del business plan e la detalharà al cors de la darrièra reunion Florange planificada lo 17 de decembre que ven”, çò ditz lo comunicat de l’industrial. De precisar que la dicha Lei Florange impausa a tot grop economic que desire de barrar un establiment e procedir a de licenciaments economics, de n’assabentar los salariats, de recercar un repreneire e de respondre a cada proposicion de recrompa de biais motivat.
 
Mas se l’usina occitana de Ford prevei de barrar en agost de 2017, l’entrepresa s’es engatjada a prononciar pas cap de licenciament forçat abans setembre de 2019. Dins aquel sens, FAI indica aver presentat “un plan social complet que compren especialament un comjat de reclassament d’una durada estenduda a comptar d’octòbre 2019, un plan de cessacion anticipada d’activitat fòrça favorable e d’autras mesuras per ajudar als salariats a trobar d’autres emplecs”.
 
 
CGT: “tornar l’argent public” e “requisicionar l’usina”
 
De son caire, lo cap del sindicat CGT, Philippe Martinez, demandèt divendres passat a Ford que tornèsse l’argent public. “Poiriam demandar a Ford de remborsar tot l’argent public qu’es estat donat”, çò diguèt Martinez interrogat sus BFM TV e RMC, coma podèm ben legir dins L’OBS. A mai, lo numèro un de la CGT preconizèt de “requisicionar l’usina” de Medoc.
 
Per quant a el, Philippe Poutou demanda de contunhar de “har brut”. Lo candidat a la presidéncia de França pel Nòu Partit Anticapitalista, qu’es tanben salariat de l’usina en lucha, afirma que “tot e’s jòga d’ací lo 17 de decembre. Que cau har brut, que cau absoludament sauvar l’usina e los 400 emplecs dirèctes mei los 1500 emplecs induits”.
 
De seguir deman.
 



 

 
 
Sosten de l’ANÒC
 
Mentretant, l’Assemblada Nacionala Occitana (ANÒC) a publicat un comunicat de sosten als salariats de l’usina davant lo perilh de barrament del sit, “qu’ei lo solet sit de construccion automobila en Occitània”.
 
Lo comunicat afirma que l’usina es pas en dificultat particulara “mes que subish la concurréncia absurda d’autas usinas d’Euròpa Centrala ont lo còst de trabalh ei mens car”. Per tant, l’ANÒC “b’afirma que los poders politics e deven lutar e har pressions eficaças sus las granas companhias mondialas coma Ford entà que respècten lo país e que non abandonen pas los lors salariats”.
 
Lo comunicat conclutz qu’un “poder descentralizat hòrt, dens ua Occitània autonòma o independenta, que garentiré ua melhora defensa deus interès economics e sociaus deu nòste país”.
 

 


abonar los amics de Jornalet
 
 
 



publicitat
BANER1-2-3: DGPL TRADUCTOR



Comentaris

17 de decembre 07.45h

#1 Espepissaire vai!
A despart d'aquò: d'en primièr lo Ghosn, ara Blancafòrt... e los pensaires-pels-autres de totes los fenestrons vòlon que las gents siagan contentas d'un govèrnament que fa pas res s'es pas amanhagar los rics? Quabd acabaràn de voler sauvar a tot pèrdre lo soldat Macron?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

16 de decembre 10.16h

Attencion a la division entre trabalhadors (gilets roges) e giles jaunes. Quò pudis la provocacion de las multinacionalas per divisar un movament que devria aver per tòca de s'assemblar e isolar lo patronat.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

16 de decembre 09.52h

Ford usina occitana! E los obrèirs pòrtan un t-shirt Macarèl belèu? Çò que fau pas lugir taplan...

Auta causa redicula: perqué diables passar au biarnés de Pau per raportar les paraulas de Poutou o de l'ANOc? I a pas nada rason. Tant vau damorar en occitan estandard pulèu que d'hèser créser que pàrlan biarnés o que pàrlan atau a Bordèu.

E me pensi que los obrèirs an d'autes copa-caps que non-pas una Occitània independenta. D'alhors, dens atau un novèth estat, i aujussi de li... Legir mai


Valoriza aqueste comentari:   votar positiu 4   votar negatiu 12
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 23
  • sol Aush 23
  • sol Bordèu 23
  • sol Briançon 25
  • sol Caors 24
  • sol Carcassona 26
  • sol Clarmont-Ferrand 22
  • sol Confolent 22
  • sol Gap 19
  • sol La Canau 23
  • sol La Gàrdia 27
  • sol Limòtges 24
  • sol Lo Borg Sant Dalmatz 24
  • sol Lo Puèi de Velai 21
  • sol Marselha 25
  • sol Montpelhièr 26
  • sol Naut Aran 21
  • sol Niça 24
  • sol Nimes 26
  • sol Pau 22
  • sol Peireguers 25
  • sol Rodés 23
  • sol Tolon 21
  • sol Tolosa 24
  • sol Valença 23

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • © Aure Séguier

    Carnaval Biarnés 2017

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © AR

    Vila d'Usès e lo pont de Gardon

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Laurenç Revèst

    Castelar

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • Exposicion temporària sus Robèrt Lafont al CIRDOC (D.R.)

  • Nimes

    Dictada occitana 2014

  • © Zep Armentano

    XI prèmis Gaudí de l'Acadèmia Catalana del Cinèma

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Asuèlhs comengeses. © Franc Bardòu

    Asuèlhs Comengeses

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • D'Auvèrnhe occitan

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • La Primada de Montsegur 2013. © Bruno Sapena

    La Primada de Montsegur 2013

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)