Actualitats
Nadal occitan a Montpelhièr
La messa del pol serà tota dicha e cantada en occitan per Joan Larzac dins la glèisa de Sant Matieu, precedida d’un concèrt coral de nadalets del país
La tradicion del Nadal occitan a Montpelhièr se manten tota en occitan dins la glèisa de Sant Matieu. Atal, aqueste diluns, 23 de decembre, après una velhada ont se cantarà de nadalets e se legirà de tèxtes, arribarà la messa del pol, un ofici que dempuèi mai de trenta ans lo mena a bon tèrme Joan Larzac que restaca totjorn son presic a l’actualitat; ongan parlarà de jaunissa, coma o raportava Ràdio Lenga d’Òc dins lo miègjornal de divendres.
L’eveniment comprendrà ongan la valenta corala del Nadal Occitan menada per Uc Brunet. Per l’ocasion, Joan Larzac compausa cada an un nadalet novèl, paraulas e musica. D’aqueste biais, la tradicion se renovèla de contunh del temps que la lenga occitana se socializa a un moment de son istòria que se tròba privada de normalitat.
Concèrt a Sant Guilhèm
En mai d’aquò, a 15h la glèisa de Sant Guilhèm del Desèrt aculhirà un concèrt de Nadal de la Corala Occitana de Sant Guilhèm acompanhada pels instruments tradicionals de Felip Carcassés e Marie Frinking. L’intrada es liura.
— Lo Nadau occitan au còr dau Clapàs
Glèisa de Sant Matieu (Carrièra Germain)
23h30 Velha e nadalets
24h00 Messa de mièjanuòch
— Concèrt de Nadau per la Corala occitana de Sant Guilhèm
Glèisa de Sant Guilhèm dau Desèrt
15h00
Mai d’informacion sus La Campana de Niana.
L’eveniment comprendrà ongan la valenta corala del Nadal Occitan menada per Uc Brunet. Per l’ocasion, Joan Larzac compausa cada an un nadalet novèl, paraulas e musica. D’aqueste biais, la tradicion se renovèla de contunh del temps que la lenga occitana se socializa a un moment de son istòria que se tròba privada de normalitat.
Concèrt a Sant Guilhèm
En mai d’aquò, a 15h la glèisa de Sant Guilhèm del Desèrt aculhirà un concèrt de Nadal de la Corala Occitana de Sant Guilhèm acompanhada pels instruments tradicionals de Felip Carcassés e Marie Frinking. L’intrada es liura.
— Lo Nadau occitan au còr dau Clapàs
Glèisa de Sant Matieu (Carrièra Germain)
23h30 Velha e nadalets
24h00 Messa de mièjanuòch
— Concèrt de Nadau per la Corala occitana de Sant Guilhèm
Glèisa de Sant Guilhèm dau Desèrt
15h00
Mai d’informacion sus La Campana de Niana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E lo papa Francés, per celebrar l'adombrament en aqueste mond marrit del Crist pel biais de l'àngel Maria, a previst de rituals catars en italian e en occitan, subre las plaças de pogròm que i procediguèt sa santa gleisa del temps que practicava plan menimosament sa "solucion finala", fasent definitivament desaparéisser totes los minstres de ma fe, fins al pus mendre dels darrièrs de totes ? Quand demandarà enfin perdon al pòble occitan per la crosada qu'a sa demanda, los Franceses nos fotèron subre l'esquina, que ne pagam, nosautres, encara la factura politica, culturala e mai que mai linguïstica ?
Rectificacion
"Messa occitana de Nadal"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari