Bandièra01 1180x150: Comuna de Tolosa

Actualitats

InternacionalPoliticaSocietat

Índia: protèstas en Kerala perque doas femnas son intradas dins un temple

Segons los mai conservators, las femnas en edat d’aver de règlas “tacan” lo temple. Lo govèrn de l’estat apara lo drech de las femnas a i intrar

5 milions de femnas an fach una cadena umana de 640 quilomètres per defendre l’egalitat de genre, a la demanda del govèrn de Kerala e de las organizacion socialas
5 milions de femnas an fach una cadena umana de 640 quilomètres per defendre l’egalitat de genre, a la demanda del govèrn de Kerala e de las organizacion socialas | FE Online
Doas femnas, d’unes 40 ans, intrèron dimècres passat de matin dins un temple indoista a Sabarimala, dins l’estat de Kerala per tal de pregar. Amb aquela accion, las femnas rompèron una tradicion centenària qu’enebís l’intrada de las femnas entre los 10 e los 50 ans. Lo fach a descadenat l’indignacion dels sectors mai conservators que creson que las femnas qu’an l’edat d’aver de règlas “tacan” lo temple. Per aquela rason, après l’intrada de las femnas, lo prèire màger faguèt barrar lo tèmple e procediguèt als rituals de purificacion.
 
Lo govèrn de Kerala protegís e defend las femnas per “una question de dreches civils”. Lo ministre màger de l’estat, Pinarayi Vijayan, diguèt un còp de mai que “lo govèrn ofririá sa proteccion a quina femna que volguèsse intrar dins lo temple”. Dins una conferéncia de premsa, Vijayan expliquèt que las doas femnas, qu’en d’autras ocasions avián pas pogut intrar dins lo temple, aqueste còp avián pas trobat cap d’empediment.
 
Mentretant, l’oposicion a anonciat de protèstas. Segon K. Sudhakaran, representant del principal partit de l’oposicion, es un acte de “traïson” e per tant “lo govèrn deurà pagar lo prètz de la violacion de las mors”.
 
Lo president del Partit del Pòble d’Índia en Kerala, Sreedharan Pillai, qualifiquèt los faches coma una “conspiracion dels governants atèus per destruire los temples indoistas” en tot afirmar que son partit “sostendriá los esfòrces contra la destruccion de la fe pels comunistas”.
 
L’an passat, esclatèron de protèstas violentas en Kerala après que la Cort suprèma d’Índia aguèt ordenat que las autoritats levèsson l’enebicion d’intrar dins lo temple per las femnas e las gojatas en edat d’aver de menstruacions.
 
Aquel temple atrai las vesitas de milions de cresents cada an.
 
 
5 milions de femnas an respondut
 
Las femnas an tanplan manifestat de biais estrambordant. 5 milions de femnas an fach una cadena umana de 640 quilomètres per defendre l’egalitat de genre, a la demanda del govèrn de Kerala e de las organizacion socialas.
 
 

 

 


 

 





abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
8.

M'agradaria que les dones manessin,i ens fotessin fora de tot arreu fins hi tot de casa, que es declaressin en vaga, i que mes d'un hagués de fer una ...i per la força!
A veure que direm llavors els mascles, qui sap potser faríem el que ni tant sols els em deixat fer sempre, que es plorar.
El Mon es de tots, no d'uns quants!
Visca la Terra...lliure!
L'Ernest, "El Tàrrega".

  • 0
  • 0
francesc palma
7.

Cresi qu' hi ha folhs per tot lo mond, torrats o bojos com es diga, començat per Hitler,e seguit de tots los integristas e dictadors e acabant per Franco.

  • 0
  • 0
Bernat d\'En Martin Meteis brutlador
6.

#5 Quand l'uman se tròba confrontat a l'impossible, a quicòm de tròp fòrt s'opausa a sos desirs, possedís dos recorses :

1) O ben prega — çò que li dona al mens lo sentiment conortant de far quicòm, e mai confrontat a l'ineluctable ; que qu'o vòlgues o non, l'ajuda a viure lo moment o l'angoissa duradissa.

2) O ben, coma tu probablament, considèra que pregar servís pas a res, e son los sòmnis sieus de la nuèit que s'encargan alara de çò que los psicanalistas (los de l'escòla de Zürich, al mens) apèlan "la foncion transcendenta" ; foncion que non fa pas existir la divinitat mai qu'aquò, mas qu'opèra la meteissa accion reequilibranta per la psiquèa, que la pregària per los cresents e, plan justament, per las cresentas que, coma totes los umans, an un total e legitim besonh d'equilibri.

  • 5
  • 0
Tribunal de l\'Inquisicion + Paire Nadal Lenhièr de Montsegur
5.

#2 Pregar ? E perque faire ? S'aquò servissia a quicòm o-saupriam !

  • 13
  • 3
Liga del Cagairol
4.

#2 Militam pel drech dels mascles d'anar se solaçar dins los meteisses comuns que las femnas e inversament. La Liga del Cagairol exigis l'egalitat efectiva dels sèxes e considèra doncas qu'aquesta discriminacion comuns per omes/comuns per femnas es indigna d'una societat democratica. Arrestatz de vos faire cagar dins vostre canton e rejoinhatz lèu la lucha nostra !

  • 14
  • 10

Escriu un comentari sus aqueste article