Bandièra01 1180x150: Comuna de Tolosa

Actualitats

PoliticaSocietat

Gilets Jaunes: ochena dimenjada de protèstas amb mai de vam e mai de rambalh

Las vilas d’Occitània qu’an patida mai de violéncia aquesta setmana son Montpelhièr e Avinhon

Tolosa 5 de genièr de 2019
Tolosa 5 de genièr de 2019 | Cathy Viatour
L’ochena setmana de protèstas dels Gilets Jaunes es arribada amb mai de vam. De centenats de milièrs manifestèron per tot l’estat francés. Segon las donadas de la polícia, son 52 000 los manifestants qu’an presas las carrièras aqueste dissabte passat, una chifra pus nauta que lo dissabte precedent, que ne comptèron 32 000.
 
La colèra del movement es pus granda dempuèi que lo president Emmanuel Macron qualifiquèt los manifestants d'agitaires que cercavan sonque l’insurreccion. “N’avèm un confle d’èsser traïnats per un poder que mesprèsa lo pòble, que nos pompís. Un Macron que ditz que sèm pas res. Un Macron que ditz que sèm una molonada plena d’òdi”, çò assolida un dels manifestants als mèdias. De fach, se revendica totjorn lo drech a “poder viure de [ lor] salari”.
 
Las vilas d’Occitània qu’an patida mai de violéncia aquesta setmana son Montpelhièr e Avinhon.
 
A París, cal soslinhar que los manifestants assautèron la bastissa del Ministèri de las Relacions amb lo Parlament, un fach que Macron qualifiquèt coma una “ataca contra la Republica”.
 
Lo movement dels Gilets Jaunes esclatèt fa uèch setmanas a causa de la pojada de las taxas suls carburants e sus las veituras. Mas aquò es pas que la partida vesidoira de l’icebèrg. Lo mond manifèstan contra las inegalitats, la davalada del budget dins los domenis de l’educacion, de las pensions e d’autres servicis socials, mentre que totas las taxas montan. Per apasimar las protèstas, Macron prometèt una pojada de l’SMIC e una reduccion de taxas.
 



 Cossí se ditz jaune en francés?
 
Coma curiositat, nos sèm demandats cossí prononciar l'adjectiu jaune en francés, ont lo diftong occitan au se pronóncia coma una soleta vocala. La mapa que prepausan los lingüistas mòstra una carta d’Occitània: 
 
 

 
 


abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ABCD si ça vous chante
10.

#8 Je vous le fais pas dire. C'est édifiant .

  • 4
  • 0
Bernatmm Tarba
9.

#8 Vistalhat tot eth video : pauc o meslèu bric de drapèu a tot eth long.

Sonque trés drapèus occitans ara minuta 12, aont se vei ben sense dubte era croz de StGèli.
Sonque dus drapèus francesi que passen lèu hèt de cap ara minuta 20.

Totau : Òc 3 - Fr 2

  • 4
  • 0
Epsilon
8.

#4#7 O.K. Per se faire une ideia sufis de mandar un uèlh sus youtube e de cercar "gilets jaunes 8 janvier 2019, Toulouse". Aquo se passa de comentaris.

  • 6
  • 0
Mèfi! 31
7.

#3 Pòdi tesmonhar d'aquestas bandièiras occitanas, sense cap de panèll en lengua nòstra.
Les portaires son de cara mascada...
Se que de non, s'ause gaireben pas que de francitan, blos, Eh òc!

  • 2
  • 0
Papioli
6.

Apres 8 setmanas de manifestacion lo balanç es lord : 11 mòrts; de nonbros nafrats (uelhs, bras deraijats per las armas de la poliça). Avem passat un cran au-dessus dins la violença totjorn minimisada per los medias.
Sufis pas de reclamar un salari que nos fai viure mas plan se damandat a de que sert l'argent de l'estat.
per paiar una deta e a qui? per paiar de las guerras dins nombre de pais, per balhar de l'argent a las multinacionalas? per paiar la dictatura e tot un sistem que musela la democracia?
Jornalet a rason de dire qu'i a una partida invisibla de l'iceberg.
Aquel movament daus gilets jaunes porta en ilh belcòp de questions e una remisa en causa de tot lo sistem de pensadas de l'umanitat.
Plan domatge que Jornalet se pausa pas mai de questions .

  • 5
  • 6

Escriu un comentari sus aqueste article