Bandièra01 1180x150: Comuna de Tolosa

Actualitats

Lo govèrn francés vòl ara resòlver la crisi dels Gilets Jaunes amb mai de repression

Philippe vòl que portar la cagola siá un delicte e que las manifestacions sián obligatòriament declaradas

| Cathy Viatour
Lo govèrn francés vòl ara resòlver la crisi dels Gilets Jaunes amb mai de repression. Lo primièr ministre, Édouard Philippe, vòl aplicar doas mesuras: una es que portar la cagola siá un delicte e l’autra es sancionar los que participaràn a de manifestacions non declaradas.
 
Philippe o anoncièt passat dins una entrevista a la cadena TF1: “Lo govèrn es favorable al completatge de nòstra lei, a l’adopcion d’una lei nòva que permetrà de sancionar los que respectarián pas aquela obligacion de declaracion, los que participarián a de manifestacions que son pas declaradas”. Lo primièr ministre o justificava en disent que “cal preservar la libertat de manifestar en França e cal sancionar los que vòlon enfrànher aquel drech de manifestar”.
 
Atal, Philippe declarèt que pels manifestants “cagolats, uèi [èra] una contravencion, deman aquò [deviá] èsser un delicte”. E mai exigiguèt que foguèsson los “esclapaires” que “[paguèsson] pels damatges que son causats”. La lei poirà èsser debatuda a l’Assemblada Nacionala francesa “tre lo començament del mes de febrièr”.
 
En mai d’aquò, lo primièr ministre lancèt aquel messatge: “Aqueles que dison que 50 000, 100 000 personas per carrièras bastan per destituir lo president e per invalidar lo resultat de las eleccions s’inscrivon dirèctament contra nòstras institucions: auràn pas jamai rason dins nòstre país”.
 
 
Anóncia 80 000 policièrs per dissabte que ven
 
Per quant a la novena dimenjada de mobilizacions prevista per dissabte venent, lo primièr ministre a promés un dispositiu de 80 000 fòrças de polícia. “Sèm estacats a l’òrdre public e avèm pres la decision de mobilizar en massa de fòrças d’òrdre dissabte que ven e i aurà de nombrosas interpellacions”, çò anoncièt. De fach, dempuèi lo començament de las manifestacions dels Gilets Jaunes i a agut mai de 1000 condemnacions e 5600 gardas a vista, segon las donadas que precisèt Philippe.
 
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi ! 31
16.

GJ acte IX Tolosa
Bèll passacarrièira tranquille dinc a cinc oras, e acamp monstre plaça del Capitoli.
Puèi gasatge dense e tirs dreits de flashball, escamp general e tust. violència d'Estat...
S'estofa pas!

  • 0
  • 0
Mèfi ! 3!
15.

#11 Cargar la cagola per anar al pet, va de per se; sonque per portar la bandièira occitana, fa estranh...
Amb'aquò, rai !

  • 7
  • 4
Manu
14.

#13 Ta boca

  • 14
  • 16
Occitània En Camin Londres (sèti del govèrn occitan en exilh)
13.

#10#11 Tot es clar, los gilets jaunes son en fach una insurreccion occitana que ditz pas son nom. Un occitanisme revolucionari criptat. E nosautres que l'aviam pas vist ! Grand mercés per aquelas explicas.

  • 20
  • 18
gj31 san giron
12.

Quauques exemples tà los que pensan qu'èm en democracia (dab un estat de drèt). O los que pensan qu'ei ua postura de masca-se.

http://www.revolutionpermanente.fr/Gilets-jaunes-six-mois-de-prison-ferme-pour-avoir-appele-a-bloquer-une-raffinerie

http://www.revolutionpermanente.fr/La-porte-d-un-gilet-jaune-enfoncee-par-le-RAID-a-6-h-du-matin

  • 18
  • 0

Escriu un comentari sus aqueste article