L’agéncia Moody’s a rebaissat la qualificacion del deute de l’Estat francés de la “tripla A” fins a l’“AA1”, amb perspectiva negativa.
L’agéncia de qualificacion atribuís aquela davalada a las provocacions estructuralas que deu afrontar l’economia francesa e al risc sus “la siá creissença economica”.
Lo ministre francés de l’Economia, Pierre Moscovici, a atribuit la pèrda de la tripla A (AAA) a l’accion dels govèrns precedents. Aquela davalada mòstra “l’insufisença dels govèrns precedents per salvar los comptes publics e la competitivitat” de l’economia francesa. Dins un comunicat, Moscovici assegurèt que contunharàn las reformas per melhorar la competitivitat de l’economia francesa. Lo ministre remarquèt que lo deute francés “contunha d’èsser un dels qu’an mai de liquiditat e un dels mai segurs de la Zòna Èuro”.
La decision de Moody’s se produsís dètz meses après qu’Standard and Poors o faguèsse tanben, e mai se la decision d’aquela agéncia portèt pas d’efièches negatius als interèsses que França paga pel sieu deute, que son actualament los mai basses de l’istòria de l’estat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo trabalh de Moody's sempre m'a interessat.
Ne parlam regularament, siá amb lo miu cavalh, siá amb lo miu gos
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari