Actualitats
Ua plaçòta per Plaça Publica?
Lo navèth movement politic d’esquèrra que contunha la soa virada estatau a l’encontre deus ciutadans. Qu’èran a Pau l’auta setmana
Vadut oficiaument en noveme passat, just abans l’andada deus Gilets Jaunes, lo movement Plaça Publica que s’avia per de bon augan, quan ne parlarà pas enqüèra ni de’’campanha’’ ni de’’partit’’’.
Creat per l’ensagista Raphaël Glucksmann, l’economista Thomas Porcher e la militanta ecologista Claire Nouvian, lo movement que vòu tornar inventar l’esquèrra, e apressar los ciutadans a l’entorn d’un projècte politic navèth. Qu’ac disen a mei har, que cau: “Arrenovelar lo logiciau politic de l’esquèrra”.
Solide, òm pòt arcastar a l’esquèrra de s’esparricar, dab ua apielada de partits o movements, qui fin finau e hèn puisheu au camp politic au moment de las escadenças electoraus (las eleccions europèas que’s debanaràn lo 26 de mai de 2019). Mes totun, de cap a l’incapacitat deus partits màgers a amassar, b’èra evident que d’autes e s’i anèssen gahar un còp mei! Que cau de tota mòda contiéner la creishença deus decebuts de l’esquèrra d’un biaish o d’un aute, çò disen...
D’uns que parlaràn d’utopia, d’autes d’estrambòrd juvenil, mes aquò rai, los de Plaça Publica que’n son convençuts: b’ei lo moment d’aviar quauquarren de nau...per de bon!
Tresmudar la colèra en energia positiva
Au còr deu lor projècte, donc, la grana reconciliacion: la deus ciutadans francés dab la politica estatau... la tempora de contèsta actuau que s’i prèsta! Los Gilets Jaunes qu’ac amuishan despuish 2 mes, la fractura qu’ei pregonda entre la populacion e los capulats. E se lo govèn ei solide en prumèra linha entà amassar los patacs, los partits de l’oposicion ne s’i escaden pas briga a arrecaptar lo movement, ni tanpauc apressà-se’n. Alavetz, perpausar ua navèra politica, dab un navèth biaish de comunicar e d’escambiar que pòt semblar un bon calcul, e sustot lo bon moment d’ac har. En plaça d’un gran debat nacion, que perpausan donc los “cafès de la plaça”, lòcs d’encontres e de debats, on espeliràn las ideas, dinc a vàder projèctes vertadèrs. Qu’espèran atau balhar hami au monde de tornar politizar las accions e las idèas.
Nat programa, mes idèas totun orientadas.
Plaça Publica n’a pas nat programa oficiau. Que vienerà mei tard, quan los militants e n’agin definits los contorns. Totun, causa segura, l’ecologia que’n serà lo caus.
“Solide qu’ei lo mei important —çò hidè un militant au micro de Ràdio País—. Per’mor que condiciona tot çò d’aute. Lo cambiament climatic que va tot cambiar. Si ne hèm pas quauquarren adara, tots los autes projèctes economics o sociaus, que’us podem oblidar!”
Que pòt semblar a ua tintèina, drin abstrèita, saunejaira. Ne serà benlèu pas pro entà partvirar lo païsatge politic nacionau. Coalicion e fusion que seràn benlèu au programa entà existir, arrés n’ac sap peu moment. Totun, lo suspens non serà pas long, dab l’apressada de las eleccions europèas, que Plaça Publica e considèra com ua escadença màger.
Roman Miele, sòci de Plaça publica en Bearn, qu’èra dens Lo Gran Descluc de Ràdio País lo 16 de genèr passat entà presentar lo movement.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Creat per l’ensagista Raphaël Glucksmann, l’economista Thomas Porcher e la militanta ecologista Claire Nouvian, lo movement que vòu tornar inventar l’esquèrra, e apressar los ciutadans a l’entorn d’un projècte politic navèth. Qu’ac disen a mei har, que cau: “Arrenovelar lo logiciau politic de l’esquèrra”.
Solide, òm pòt arcastar a l’esquèrra de s’esparricar, dab ua apielada de partits o movements, qui fin finau e hèn puisheu au camp politic au moment de las escadenças electoraus (las eleccions europèas que’s debanaràn lo 26 de mai de 2019). Mes totun, de cap a l’incapacitat deus partits màgers a amassar, b’èra evident que d’autes e s’i anèssen gahar un còp mei! Que cau de tota mòda contiéner la creishença deus decebuts de l’esquèrra d’un biaish o d’un aute, çò disen...
D’uns que parlaràn d’utopia, d’autes d’estrambòrd juvenil, mes aquò rai, los de Plaça Publica que’n son convençuts: b’ei lo moment d’aviar quauquarren de nau...per de bon!
Tresmudar la colèra en energia positiva
Au còr deu lor projècte, donc, la grana reconciliacion: la deus ciutadans francés dab la politica estatau... la tempora de contèsta actuau que s’i prèsta! Los Gilets Jaunes qu’ac amuishan despuish 2 mes, la fractura qu’ei pregonda entre la populacion e los capulats. E se lo govèn ei solide en prumèra linha entà amassar los patacs, los partits de l’oposicion ne s’i escaden pas briga a arrecaptar lo movement, ni tanpauc apressà-se’n. Alavetz, perpausar ua navèra politica, dab un navèth biaish de comunicar e d’escambiar que pòt semblar un bon calcul, e sustot lo bon moment d’ac har. En plaça d’un gran debat nacion, que perpausan donc los “cafès de la plaça”, lòcs d’encontres e de debats, on espeliràn las ideas, dinc a vàder projèctes vertadèrs. Qu’espèran atau balhar hami au monde de tornar politizar las accions e las idèas.
Nat programa, mes idèas totun orientadas.
Plaça Publica n’a pas nat programa oficiau. Que vienerà mei tard, quan los militants e n’agin definits los contorns. Totun, causa segura, l’ecologia que’n serà lo caus.
“Solide qu’ei lo mei important —çò hidè un militant au micro de Ràdio País—. Per’mor que condiciona tot çò d’aute. Lo cambiament climatic que va tot cambiar. Si ne hèm pas quauquarren adara, tots los autes projèctes economics o sociaus, que’us podem oblidar!”
Que pòt semblar a ua tintèina, drin abstrèita, saunejaira. Ne serà benlèu pas pro entà partvirar lo païsatge politic nacionau. Coalicion e fusion que seràn benlèu au programa entà existir, arrés n’ac sap peu moment. Totun, lo suspens non serà pas long, dab l’apressada de las eleccions europèas, que Plaça Publica e considèra com ua escadença màger.
Roman Miele, sòci de Plaça publica en Bearn, qu’èra dens Lo Gran Descluc de Ràdio País lo 16 de genèr passat entà presentar lo movement.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pichona informacion a l'intencion dels 5 que votèron contra lo comentari qu'escriguèri.
Soi anat sul Facebook de Place Publique, lo debat es cadenaçat que non sai e o confirmi per aquel monde sèm pas una prioritat.
Compreni pas que Jornalet i aja consagrat un article
Place Publique es un grope d'esquèrra colonialista francés e merita pas qu'un claçament : Vertical
E la plaça dels pòbles flamenc, breton, basco, catalan, corse, alsacian e occitan dins lo futur programa de plaça publica ?
Coma de costuma dins l'esquèrra francesa, doncas francista, de plaça n'i a pas e n'i aurà pas ...
Per eles sèm de franceses coma los autres.
Se i a pas de plaça per nosaus ... prendrem pas lo temps de los anar votar
Plaça Publica n’a pas nat programa oficiau ? Que sián claras las causas, de tira : o plaça publica combat fins a son eviccion la dominacion del capitalisme internacional subre tota autra politica, e serà d'esquèrra, o non combratrà — ensajnat son que de 'negociar" amb el, coma o an faits totes los "sociodemocrats europèus recent, e non prepausarà fin finala qu'un adobament liberal de mai,, amb de paures sempre mai paures e de rics sempre mai rics, coma la hollandlha e la mitterrandalha d'après 1983. PEr èsser d'esquèrra, amb o sens Euròpa, amb o sense França, amb o sense Espanha, basta, mas absoludament, de combatre lo capitalisme, dins una lucha a mòrt.
Una lucha a mòrt que, per ara, sembla plan d'aver emportat aqueste puntanhèr de capitalisme esclavagista.
shens Euròpa, nat sòus, nat occitanisme.
Las eleccions europennas una escadença mager!
Qual Euròpe, volam? una euròpe de 28 estats o una euròpa daus 47 pais que comprendria los pais de l'Est e Russia.
Per que far Euròpe? Començan benleu pusleu per Occitania
Per que volan una Euròpe fòrta,un estat fòrt en faça daus grands? Mas perque avam besonh d'un estat que nos defend o nos oprima? D'un estat, esperam la justiça, l'onestetat. Benleu voldria mielhs commençar per la Justiça au-dessus de tots los estats, au-desus daus poderos. Mas, qui a lo poder de far renhar la justiça? l'ONU, l'armada, los medias, los partis politics o autres?
Avetz rason, l'ora dau desbat es venguda. Bona iniciativa de far parlar las gens.
Perque parlar enguera d'esquerre e de dreicha?. Sem pus au temps ente i avia una dreicha plan delimitada e una classa obriera e paisana? L'escòla, la nauta tecnologia son passadas per aqui e an banlevar las vielhas idéias sens arribar a trobar una nòva armonia a la vita.
Mas ente vos trobar sur lo net.?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari