CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Actualitats

Divendres, 25 de genièr de 2019, 03h00 Sciéncia

Una nòva teoria explicariá lo 95% de l’Univèrs

La nòva teoria es estada explicada per una còla de cercaires de l’Universitat d’Oxford e poiriá resòlver un dels problèmas pus grands que los patís la fisica modèrna


Comentaris 6 comentaris    
Marrit Flac Bon Plan bon Fabulós (2 vòtes)
carregant En cargar


Segon Farnes e sos collègas, i a un tensor qu’ajuda de mai en mai la matèria negativa a èsser creada. E quand aquò a luòc, la massa negativa es pas mendre dins l’espandiment universal. D’efièch, lo fluid es parièr a l’energia escura.
© Pixabay





Etiquetas
andreu, còsmos, fisica, sapiéncia, univèrs

La fisica es una sciéncia que, malgrat totas las descobèrtas fachas cada an, avança pauc a cha pauc. S’o pòt pas cambiar tot d’un jorn a l’autre dins lo mond de las leis universalas. De teorias qu’an assajat d’anar delà lo vejaire actual sus l’Univèrs se son totjorn embroncadas a çò que diguèt Einstein. E aquò es totjorn un problèma. Ara, una nòva teoria explicariá fins al 95% de l’Univèrs, e d’efièch ja foguèt predicha per Einstein. Totun, encara la cal provar.
 
La nòva teoria es estada explicada per una còla de cercaires de l’Universitat d’Oxford e poiriá resòlver un dels problèmas pus grands que los patís la fisica modèrna. Segon aquesta, amb l’union de la matèria escura e de l’energia escura dins un solet fenomèn la resulta es un fluid amb una massa negativa. E ansin, quand se buta una massa negativa, aquesta accelerariá vèrs se meteis. E aquò ja foguèt afirmat per Einstein fa ara 100 ans.
 
Tot aquò arribèt pr’amor que lo modèl de l’Univèrs qu’avèm considerat coma vertadièr los darrièrs 30 ans, modèl tanben conegut coma modèl Lambda CDM, pòt pas res afirmar sus la matèria escura o l’energia escura. O sus cossí son fisicament. Se sap solament qu’existisson pr’amor de l’efièch gravitacional qu’an sus d’autre tipe de matèria. Pas res mai.
 
La còla que creèt aquela nòva teoria foguèt dirigida per Jamie Farnes, del Centre d’e-Recèrca d’Oxford e ofrís una nòva explica sus la majoritat de l’Univèrs: “La matèria escura e l’energia escura pòdon èsser unidas dins un ensemble qu’a una gravetat negativa, çò confirmèt Farnes. Aquel fluid rebuta tota autra matèria e, malgrat que siá una teoria singulara, aquò significa que l’Univèrs es simetric en çò que pertòca las qualitats positiva e negativa”.
 
 
De mens en mens de matèria escura
 
La teoria actuala de l’Univèrs afirma que i auriá de mens en mens de matèria negativa pr’amor de l’espandiment de l’Univèrs. Aquò es contrari a çò qu’aquela còla de cercaires a trapat. Segon los scientifics, lo vejaire que i a de mens en mens de matèria escura es pas corrècte. Segon Farnes e sos collègas, i a un tensor qu’ajuda de mai en mai la matèria negativa a èsser creada. E quand aquò a luòc, la massa negativa es pas mendre dins l’espandiment universal. D’efièch, lo fluid es parièr a l’energia escura.
 
A mai, aquesta nòva teoria tanben balha las primièras prediccions sus lo comportament de las vapors de matèria escura. Segon d’investigacions scientificas actualas, las galaxias viran tan lèu que sembla que se desfàn. Mas aquò suggerís una cèrta vapor invisibla que las unís pr’amor qu’aquò se passa pas ansin. Una simulacion realizada sus las propietats de la massa negativa confirmariá la creacion de vapors de matèria escura coma çò qu’es estat observat uèi lo jorn amb de ràdio telescòpis.
 
La nòva teoria verifica çò qu’afirmèt Einstein en 1918. Descobriguèt una constanta universala sinonima de l’energia escura. Segon los cercaires qu’an creat la nòva teoria, es possible qu’Einstein parlèsse ja a l’epòca d’un Univèrs plen de massa negativa. “Los estudis faches fins a uèi s’embroncan a la Teoria Generala de la Relativitat d’Einstein. E aquò es pas un problèma mendre. Nòstre vejaire ajuda a melhor comprene dos ponches d’aquela teoria: la massa negativa e la creacion de matèria, car son un ensemble”. (Legissètz la seguida)


 


Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.




abonar los amics de Jornalet

 
 



publicitat
BANER1-2-3: DGPL DICTADES



Comentaris

28 de genièr 18.17h

Es bonic veure que s'evoluciona, i sempre s'innova, encara s'han de descobrir moltes coses mes, es maco veure com avui dia, hi ha gent que no pensa que tot ja està fet, cosa que per molts ja està feta. Si al Mon no hi ha ganduls tenim esperança, ja per a molts dels que pugen aquesta es la única cosa que els motiva, no fotre res.
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de genièr 09.36h

B'ai pas res compres del tot .... qual de l'uòu o de la galina es espelit çò primièr ?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

26 de genièr 22.48h

Me pareis que non han ni puta idea del que disen. De teorias ni pot haver moltas, mas de la creacion de l'Univers res de res, cap ! Açò es voler explicar la creacion de l'univers per los electrons. Mas d'ont surt lo primer ? aquí voli veuire aquestes d'Oxford.


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

25 de genièr 14.38h

Entà assajar d’enténer quauquarren en un tau article que cau precision e, tau profan qui soi, d’aviada que carré definir los concèptes e objèctes dont s’i parla (matèria negativa? ei diferenta de l’antimatèria? e de la matèria escura?)… E medish atau, quan i horniretz tota la precision de qui cau, que gaharí mei viste un punh de hum.
Entà complicar l’ahar lo tèxte que’m sembla conhit d’aproximations.
Exemple: “La teoria actuala de l’Univèrs afirma que i auriá de... Legir mai


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

25 de genièr 08.22h

Existe un cerchador frances qu'es a la poncha d'aquel problem mas qu'es pas reconeigut per las autoritats francesas. S'apela Jean Pierre Petit e lo trobaretz sur lo site Nuréa TV.

Es pas aisat d'esplicar una teoria scientifica en qualques linhas.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

25 de genièr 08.06h

Segon aquesta teoria, amb l’union de la matèria escura e de l’energia escura dins un solet fenomèn la resulta es un fluid amb una massa negativa ? Negativa en respècte de quina afirmacion ? E qu'es aquò "un fluid eissit de l'union de la matèria e de l'energia escura (es a dire invisibla)" ?

Presentat coma o es, aquò non me sembla explicar ni un 5% de l'univèrs. Me sembla sonque un jòc de paraulas mai o mens subrerealista. I deu aver problèma de formulacion, o de definicion, per ... Legir mai


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 10
  • sol Aush 10
  • sol Bordèu 10
  • sol Briançon 14
  • sol Caors 8
  • sol Carcassona 12
  • sol Clarmont-Ferrand 9
  • sol Confolent 11
  • sol Gap 11
  • sol La Canau 10
  • sol La Gàrdia 22
  • sol Limòtges 9
  • sol Lo Borg Sant Dalmatz 18
  • sol Lo Puèi de Velai 10
  • sol Marselha 19
  • sol Montpelhièr 15
  • sol Naut Aran 10
  • sol Niça 21
  • sol Nimes 15
  • sol Pau 11
  • sol Peireguers 9
  • sol Rodés 10
  • sol Tolon 9
  • sol Tolosa 11
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Asuèlhs de Lauragués

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Franc Bardòu

    Tresaurs andorrans

  • © Laurenç Revèst

    Nimes e preséncia d'occitan

  • © Marion Quenut

    Jornada de protèsta contra lo barratge del Testet, a Sivens

  • Niça vièlha en occitan niçard. © LR

    Niça vièlha en occitan niçard

  • © Josep Carpintero

    Presentacion dera ANC Val d'Aran en Vielha, 28/12/2013

  • Valadas. © Xavi Gutiérrez Riu

    Valadas

  • Carnaval de Limós. © Franc Bardòu

    Carnaval de Limós 2013

  • © Zep Armentano

    XI prèmis Gaudí de l'Acadèmia Catalana del Cinèma

  • © Aure Séguier

    Carnaval Biarnés 2017

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Lengue a Mentan

  • © Aure Séguier

    Carnaval Biarnés 2017

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Xavi Gutiérrez Riu

    Baish Ador

  • © Franc Bardòu

    Coserans al còr

  • Còth deth Tormalet, 18/07/2012

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Laurenç Revèst

    Menton, 'a vivaroalpenca maritima

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



4%



91%



0%




Vots 103 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)