Bandièra01 1180x150: Comuna de Tolosa

Actualitats

Sarkozy a negat las acusacions de corrupcion per l’afar Bettencourt

Lo Palai de Justícia de Bordèu
Lo Palai de Justícia de Bordèu | Jonathan

L’èx-president francés Nicolas Sarkozy se presentèt dijòus passat davant la justícia, a Bordèu, per s’explicar a prepaus del presumit finançament illegal de la campanha de l’UMP per las presidencialas de 2007. La justícia lo metèt en examen pel presumit abús de feblesa vèrs Lilianne Bettencourt, la nonagenària eiretièra de l’empèri cosmetic L’Oreal, per fin de li traire d’argent destinat a finançar la campanha que lo menèt a l’Elisi.


Segon çò que l’avocat de l’èx-president, Thierry Herzog, a indicat a l’AFP per telefòn, Sarkozy foguèt plaçat jos l’estatut de testimòni assistit, après dotze oras d’audicion. “I a pas agut de mesa en examen”, insistiguèt Herzog.
 
Sarkozy èra anat als tribunals dins una veitura amb las vitras negras per evitar d’èsser fotografiat.
 
S’agís del segond èx-cap d’Estat de la Cinquena Republica Francesa que deu anar als tribunals. Lo primièr foguèt lo sieu predecessor, lo tanben conservador Jacques Chirac.
 
Al delà de l’“afar Bettencourt”, Sarkozy a d’autres procèsses dobèrts amb la justícia, que dins un d’aqueles, se suspècta que l’èx-president de Libia, Muammar Al Qadhdhafi, auriá subvencionat tanben la campanha de 2007 amb cinquanta milions d’èuros. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
2.

"Sarkozy a negat las acusacions de corrupcion per l’afar Bettencourt" E aiçò, estona qualqu'un aicí ?

  • 1
  • 0
Pirolet
1.

Lo jorn ont lo títol serà "Sarkozy negat dins los afars de corrupcion" farèm fèsta, si que non poiriá tornar lo bogre!

  • 2
  • 0

Escriu un comentari sus aqueste article