Actualitats
Tòssa: que serà deishat lo famós projècte de gòlf
N’ei pas enquèra oficiau mes la màger part deus actors pertocats que son d’avís entà’u considerar com abandonat per de bon
Lo famós projècte de gòlf a Tòssa (Maremna) que serà deishat. N’ei pas enquèra oficiau mes la màger part deus actors pertocats que son d’avís entà’u considerar com abandonat per de bon.
Lo Conselh Nacionau per la Proteccion de la Natura qu’a balhat un avís desfavorable, l’Autoritat Environamentau qu’a balhat ua listassa de preconizacions a la quau har cap e sembla dificil, maugrat l’estrambòrd de paréisher deu president deu conselh departamentau, e enfin la data de l’aperet d’auhèrtas qu’ei estada renviada, çò qui dèisha a pensar que probable ne honhan pas los investidors.
L’idèa deu Conselh Departamentau d’apitar ua jurada ciutadana entà tractar lo dorsièr (quan lo concèpte e serà de mòda), ne serà pas pro entà cambiar las causas, segon los observaires, d’uns que parlan de pitreria, com los deu collectiu Noutous, qui militan deu debut enlà contra lo projècte de gòlf a Tòssa.
Per las associacions e los collectius ciutadans (SEPANSO, Amics de la Tèrra, etc.) qui defenen la natura e l’environament en las Lanas e pertot en Gasconha, qu’ei ua victòria mei, après los estancs de mei d’un projècte dangerós, costós o inutil (e bèths còps los tres a l’encòp!) com l’andada artificiau Atlantisud, per exemple.
Totun, la mobilizacion que demora sancèra entà har cap aus projèctes a viéner. Que son per exemple a l’argüèit suu dorsièr deu curatge deu lac d’ Òssagòr, on an tornat gahar las òbras shens nada autorizacion.
Un manifèste aperat “Las Lanas que son ma natura” qu’ei en linha, que’u podetz léger, descargar e signar suu site Internet www.noutous.fr.
Didier Tousis, membre deu collectiu Noutous qu’èra sus Ràdio País lo 28 de genèr passat tà’n parlar.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Lo Conselh Nacionau per la Proteccion de la Natura qu’a balhat un avís desfavorable, l’Autoritat Environamentau qu’a balhat ua listassa de preconizacions a la quau har cap e sembla dificil, maugrat l’estrambòrd de paréisher deu president deu conselh departamentau, e enfin la data de l’aperet d’auhèrtas qu’ei estada renviada, çò qui dèisha a pensar que probable ne honhan pas los investidors.
L’idèa deu Conselh Departamentau d’apitar ua jurada ciutadana entà tractar lo dorsièr (quan lo concèpte e serà de mòda), ne serà pas pro entà cambiar las causas, segon los observaires, d’uns que parlan de pitreria, com los deu collectiu Noutous, qui militan deu debut enlà contra lo projècte de gòlf a Tòssa.
Per las associacions e los collectius ciutadans (SEPANSO, Amics de la Tèrra, etc.) qui defenen la natura e l’environament en las Lanas e pertot en Gasconha, qu’ei ua victòria mei, après los estancs de mei d’un projècte dangerós, costós o inutil (e bèths còps los tres a l’encòp!) com l’andada artificiau Atlantisud, per exemple.
Totun, la mobilizacion que demora sancèra entà har cap aus projèctes a viéner. Que son per exemple a l’argüèit suu dorsièr deu curatge deu lac d’ Òssagòr, on an tornat gahar las òbras shens nada autorizacion.
Un manifèste aperat “Las Lanas que son ma natura” qu’ei en linha, que’u podetz léger, descargar e signar suu site Internet www.noutous.fr.
Didier Tousis, membre deu collectiu Noutous qu’èra sus Ràdio País lo 28 de genèr passat tà’n parlar.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari