Actualitats
Catalonha crearà un ret de trens regionals de nauta velocitat fins a Tolosa e Montpelhièr
Lo servici començarà amb sièis trens per jorn entre Lhèida e Montpelhièr e Tolosa, que n’i aurà 24 dins lo tròç Barcelona-Perpinhan, e se metrà en òbra en 2020 quand se liberalizarà los servicis ferroviaris
La Generalitat de Catalonha vòl crear un ret de trens regionals de nauta velocitat que jongan Lhèida, Barcelona e Girona amb Tolosa e Montpelhièr. Lo govèrn catalan compta d’i trabalhar tre 2020, quand se liberalizarà los servicis ferroviaris. Aquò permetriá d’anar de Girona a Tolosa en doas oras e mièja, de Barcelona a Montpelhièr en tres oras, o de Lhèida a quina que siá de las doas vilas occitanas en aperaquí quatre oras.
Lo servici començarà amb sièis trens per jorn entre Lhèida e Montpelhièr e Tolosa, que n’i aurà 24 dins lo tròç Barcelona-Perpinhan. Lo president dels Camins de Fèrre de la Generalitat de Catalonha (FGC), Ricard Font, a dich als mèdias que ten de convèrsas amb d’operators privats e que lo nòu servici poiriá aver quatre milions de passatgièrs per an. La Generalitat a previst de crompar onze trens.
Segon Font, lo servici aurà un deficit de 3,94 milions d’èuros dins la primièra annada, çò qu’el considèra coma una soma “relativament pichona” que se recuperarà dins las annadas avenidoiras, “entre tres e quatre ans”, çò precisa.
Quant al prètz de las bilhetas, Ricard Font indica que serà d’entre 20 e 90 èuros segon lo trajècte.
El Punt Avui
La Declaracion de Girona
Diluns passat, lo lobby Ferrmed e l’associacion Energie TVG signèron la dicha Declaracion de Girona, que cèrca de far pression suls estats espanhòl e francés per que metan en òbra la linha mediterranèa. “Sèm dins un retard incresible de gaireben 35 ans e aquò se deu acabar”, çò soslinhèt lo president de Ferrmed, Joan Amorós. La seguida serà una reünion a París lo 28 de febrièr que ven amb la tòca de “quichar dirèctament los dos estats”.
A prepaus de la linha de Montpelhièr/Tolosa e Barcelona, la Declaracion de Girona detalha los investiments que cal menar realizar tant abans 2021 coma fins a l’an 2030.
Lo servici començarà amb sièis trens per jorn entre Lhèida e Montpelhièr e Tolosa, que n’i aurà 24 dins lo tròç Barcelona-Perpinhan. Lo president dels Camins de Fèrre de la Generalitat de Catalonha (FGC), Ricard Font, a dich als mèdias que ten de convèrsas amb d’operators privats e que lo nòu servici poiriá aver quatre milions de passatgièrs per an. La Generalitat a previst de crompar onze trens.
Segon Font, lo servici aurà un deficit de 3,94 milions d’èuros dins la primièra annada, çò qu’el considèra coma una soma “relativament pichona” que se recuperarà dins las annadas avenidoiras, “entre tres e quatre ans”, çò precisa.
Quant al prètz de las bilhetas, Ricard Font indica que serà d’entre 20 e 90 èuros segon lo trajècte.
El Punt Avui
La Declaracion de Girona
Diluns passat, lo lobby Ferrmed e l’associacion Energie TVG signèron la dicha Declaracion de Girona, que cèrca de far pression suls estats espanhòl e francés per que metan en òbra la linha mediterranèa. “Sèm dins un retard incresible de gaireben 35 ans e aquò se deu acabar”, çò soslinhèt lo president de Ferrmed, Joan Amorós. La seguida serà una reünion a París lo 28 de febrièr que ven amb la tòca de “quichar dirèctament los dos estats”.
A prepaus de la linha de Montpelhièr/Tolosa e Barcelona, la Declaracion de Girona detalha los investiments que cal menar realizar tant abans 2021 coma fins a l’an 2030.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10
1- Los artitas que n’en parli ai pas jamai dich qu’èra mens occitans que d’autres !
2- Podes pas botar al meteis nivèl, los qu’an agut a far causida jos una contenda e los qu’an fach causida sens cap de contenda.
3- « inclinacion ontologica occitana a se virar mai cap a París que cap a Barcelona… » si fet qu’existís : lo son nom es « facilitat » a paris se parla la lenga que t’an apresa e se vas a Barcelona, te caldrà aprener al pus mens l’occitan se o sabes pas, lo caralan saria melhor e al pièger l’espanhòl.
4- Iò tanpauc ai pas res a far d’un trin que nos botaria a 30 minutas dels suspauzat paradis la region iscla de frança !
5- Rementi que al 18n sègle calia entre 12 e 15 jorns de diligencia per un Paris Tolosa
#10 Senhér Bardòu, avètz fòrça plan resumit lo mieu sentiment de cara a Barcelona e París.
Foncionari retirat de l'estat francés, visquèri dètz ans a París intra-muros ( 7en, 13en e 15en arr.) pel trabalh. N'ai un plan marrit sovenir d'aquela vila !
Vau sovent a Barcelona e sustot a Girona.
Mai ai comprés perquè d'unes dison que París ès la mai polida vila del monde ! M'agradan plan mièlhs las vilas catalanas que i reviscoli en rason de l'environament cultural e per i ausir parlar catalan (sustot a Girona) alara qu'a Tolosa i ausissi sonque parlar la lenga del colonitzador : lo francés e sovent, ara, ambe l'accent ponchut.
Visca Catalonha e mercés a ela per çò que fa per la siá lenga e l'occitan !
#7 París, per ieu, es un vilatjon del meravelhós país de Quercòrb, ont se fabregava de penches. Dins lo bled perdut al nòrd de Leire que ne parlatz, degun non sap çò que fau, lo que soi, ni la lenga que parli e escrivi. Segur, pòdi compréner la vòstra decepcion, mas per ieu, Barcelona es LA capitala, la que i soi recebut coma escrivan, a la television, a la radio, e davant un public plan mai larg que non pas lo de Tolosa. Es LA capitala, Barcelona, la soleta megapòla europèa ont ma lenga es cooficiala. Es tant ma capitala, quitament, que quand torni de Barcelona a Tolosa, ai lo sentiment fosc de tornar en país estrangièr ont pertot s'impausa lo francés.
Non ai donc pas res a far d'un trin que me ficariá a 25 mn de París e de sa Little France (Île de France).
Per contra, soi fòrça interessat per un trin que fariá Bordèu Tolosa Niça en doás oras, Tolosa Barcelona Valéncia en doás oras, Niça Tolosa Pau Bilbao en doás oras. Tolosa Saragòssa en doás oras. Jamai non soi estat clinat davant París e non soi pas ni mens real ni mens occitan que los autres…
Se los artistas que ne parlatz se son anats pèrdre a Paris per se far un nom public e venir mediaticament visibles e audibles, es per amor que non n'avián la causida — ipercentralizacion val necessitat de s'exiliar per beneficiar d'una visibilitat. Tanplan o faguèron de Catalans coma Lluis Llach (refugiat politic jos Franco), e mai encara Isaac Albeniz, un sègle abans. E tanplan o faguèron Manuel de Falla e tot un fum d'autres artistas europèus coma Rossini, Chopin, Offenbach o Litz al sègle XIX. Aquò non a res a veire amb una inclinacion ontologica occitana a se virar mai cap a París que cap a Barcelona…
Una gran idea reforçar las comunicacion entre occitania e Catalunya.
entà nosautis Gascons deras hautas pireneas ath estrem d'aquera navera arregion ' occitania' completament bestia ,que'n avem a foter d'aqueth tren que's ne va tà Tolosa o Montpellier !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari