Actualitats
Crida a la cauma generala dimars que ven, 5 de febrièr
En seguida de las protèstas dels Gilets Jaunes, se vòl protestar contra las inegalitats, la davalada del budget dins los domenis de l’educacion, de las pensions e d’autres servicis socials, mentre que totas las taxas montan
Lo movement dels Gilets Jaunes esclatèt en novembre passat a causa de la pojada de las taxas suls carburants e sus las veituras. Mas aquò es pas que la partida vesidoira de l’icebèrg. Lo mond manifèstan contra las inegalitats, la davalada del budget dins los domenis de l’educacion, de las pensions e d’autres servicis socials, mentre que totas las taxas puèjan. Denóncian parallèlament la reduccion de despensas publicas essencialas en salut, educacion, polícia e justícia.
Per apasimar las protèstas, lo president de França, Emmanuel Macron, prometèt d’en primièr una pojada de l’SMIC e una reduccion de taxas que serviguèt pas a grand causa. Puèi Macron prepausèt un grand debat de dos meses a l’escala estatala qu’a pas tanpauc convencut lo movement, que ditz qu’es “una estrategia de comunicacion que cèrca d’anestesiar l’opinion publica sens que s’adòpte cap de mesura concreta pel cambiament”, segon çò que disiá François Boulo a BFM TV, un pòrtavotz dels Gilets Jaunes a Rouen.
Lo Med’Òc de Montpelhièr crida a manifestar amb eles
Los Movement dels Estudiants Occitanistas de Montpelhièr crida lo mond que vòlgan a manifestar amb eles lo 5 de febrièr. Los estudiants partiràn après l’Assemblada Generala a l’Universitat Paul Valéry a 12h per jónher lo cortègi a 14 al Peiron, i portaràn lor celèbre Superman-Gilet-Jaune-Occitan. “Venètz cridar, cantar e bolegar amb nosautres e tot lo mond!”, çò an declarat a la redaccion de Jornalet.
En Catalonha e Aran
Una autra cauma generala se tendrà dijòus 7 en Catalonha e Aran, en seguissent la crida dels sindicats e dels partits e associacions independentistas. La tòca es de protestar contra la situacion de repression que la patís lo país e las repercussions economicas e socialas.
La comunitat universitària dona suport a la #7FVagaGeneral!!!
— Intersindical-CSC (@I_CSC) 1 de febrer de 2019
Molt agraïts pel suport rebut des de les aules!!!#SenseDretsNoHiHaLlibertat#VagaGeneralpic.twitter.com/UD8dfdclin
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Canconeta populara
Jo tinc un gec
cata crec, cata crec
qu' es de vellut
cata cruc,cata cruc.
i encara el dec
cata cre, cata crec
i encara el duc
cata cruc, cata cruc.
#2 Mercés d'escríver en occitan.... mèma entà romegar contra los occitanistas e las soas causidas linguisticas contestablas quand ne hèn. Qu'avem chic d'espacis on podem utilisar l'occitan com utís de comunicacion normau, donc si començam a utilisar lo francés quand i èm, qu'èm mau partits. S'ètz sus aqueste sit, b'ei per'mor que'vs interessatz a l'occitan, non?
#1 ''jec'' ? qu'est ce que c'est que cette trouvaille encore? une erreur de frappe j'espère...j'ai lu ''gròc'' aussi, une fois, pour traduire ''jaune''. certes, c'est dans le dico, mais franchement, quel intérêt de vouloir s'éloigner à tout prix du français sans considérer l'usage? Bientôt, on parlera de ''jecs gròcs'' pour les gilets jaunes, c'est fabuleux.
Pas étonnant après que plus personne ne veuille parler...
Visca las banderas occitanas e catalanas e provençals en la manifestacions dels jecs jaunes
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari