Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautLauragués

An vandalizat la catedrala de la Vaur

Lo santuari veniá de far l’objècte d’una renovacion de cinc ans amb un còst de mai de 2 milions d’èuros

Lo cremament de la grépia provoquèt una odor de fumada qu’alertèt la secretària de la parròquia
Lo cremament de la grépia provoquèt una odor de fumada qu’alertèt la secretària de la parròquia | Bernard Carayon
An vandalizat la catedrala de la Vaur. An cremat lo presep, an getat pel sòl una crotz, an torçut lo braç del Crist e an trencat un ciri. La gendarmariá de la Vaur es encargada de l’enquèsta, çò rapòrta La Dépêche.
 
Se passèt dimars de ser. Lo cremament de la grépia provoquèt una odor de fumada qu’alertèt la secretària de la parròquia; aquesta telefonèt als pompièrs devèrs 18h. En arribar vegèron que los vandals avián mes lo fuòc a una toalha e sas flamas sautèron sul presep, qu’èra mes en plaça dempuèi Calendas. E mai aguèsson torçut lo braç del Crist per li far representar un “dab”, es a dire lo gèst de plaçar la cara dins lo plec del coide popularizat per Paul Pogba pendent la copa del Mond de fotbòl en Russia.
 
Los pompièrs an utilizat de grands mejans per evacuar la fumada de la catedrala.
 
Sembla que los vandals se serián pausats sus un vielh confessionari per vespralhar en i daissant de rèstas de pastissons.
 
La catedrala veniá de far l’objècte d’una longa renovacion. Durant cinc ans s’èra restaurat la glèisa amb un còst de mai de 2 milions d’èuros finançats a un 30% per la comuna de la Vaur e un autre 70% per de subvencions. L’adjonch al cònsol per la cultura se desplacèt còp sec devèrs la catedrala per veire se las pinturas restauradas avián sofèrt de  la fumada.
 
Per menar a bon tèrme l’enquèsta, los gendarmes de la Vaur comptan sul sosten d’un tecnician de la cellula d’identificacion criminala d’Albi.



 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
4.

Pòdon pas èsser los catars qu'an ficat lo fuòc: segon l'exposicion dels istorians negacionistas, financiada per la region Occitanie a l'universitat Pau Valèri, los catars an pas jamai existit. Of!

  • 3
  • 1
francesc palma
3.

La cultura es tamben la catedrala,las glesias las hermitas e sas imatges, las esculturas, sa història, son valor sentimentala e religiós. Los autors son una colha d'analfabets fachistas.

  • 4
  • 2
Colonel Mortimer Tukuncary
2.

An vandalizat la catedrala de la Vaur, mas a n tanben vandalizat l'ensenhament de las lengas ditas "regionalas", sense trobar comptes de rendre a degun sul sicut…

  • 4
  • 0
Oksıtanlaştıramadıklaramızdanmısınz
1.

E tanben una glèisia tà Nimes.......

  • 3
  • 0

Escriu un comentari sus aqueste article