Bandièra01 capçalera  1180x150: Novestivada

Actualitats

Los presidents de las illas Balearas, de Corsega e de Sardenha defendon ensems los interèsses insulars a l’UE

Reclaman lo meteis tractament que los territòris diches ultraperiferics coma Martinica, Maiòta o las Canàrias

| @Gilles_Simeoni
Los presidents dels govèrns de las illas Balearas, Francina Armengol; de Corsega, Gilles Simeoni, e de Sardenha, Francesco Pigliaru, se son rescontrats aqueste dimècres  a Brussèlas, ont an presentat un document que defend una posicion comuna a respècte de l’insularitat. De matin, los tres presidents se son amassats e de ser an rescontrat la comissària dels afars regionals, Corina Cretu, dins la sedença de la Comission Europèa.
 
Armengol, Simeoni e Pigliaru defendon qu’Euròpa deu saber reconéisser los desavantatges que los supòrtan las illas a causa de lor condicion geografica, e an reclamat a l’UE una egalitat reala dels dreches de totes los ciutadans, independentament del territòri ont vivon, perque fins ara son estats solament sensibles amb los territòris ultraperiferics. Per tant, demandan a l’UE que compare los dreches de las regions ultraperifericas amb los de las autras illas. “Las dificultats qu’implica lo fach insular son las meteissas tant se la còsta del continent es a 1000 quilomètres coma s’o es a 100”, çò remarquèt Armengol. Concretament, reclaman lo meteis tractament qu’an d’illas coma Martinica o las Canàrias.
 

 
Simeoni profechèt de l’escasença per reafirmar als èurodeputats catalans la solidaritat del pòble còrs amb lo pòble catalan e los presonièrs politics.
 
Las illas Balearas, Corsega e Sardenha an dempuèi l’an 2016 un acòrdi de cooperacion,  sustot sus lor posicion institucionala dins l’Union Europèa, “amb independéncia dels estats”. Tanben collabòran sus lo desvolopament del servici maritim, la promocion toristica o la defensa de las culturas autoctònas.





abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

L'union fa la força, e cal pas estre negatius amb las luitas e escomesas. Al final lo que pert es lo que non fa res, aqueste segur que ja ho ha pertut abans, e Diéu tamben ajuda, ora e labora, aital sempre aconseguirem totas las causas.

  • 1
  • 0
Papioli
1.

Au mens, los insularis an trobat dau monde per los defendre!

  • 7
  • 0

Escriu un comentari sus aqueste article