CAPÇALERA2: FAI-TE SOCI

Jornalet, gaseta occitana d'informacions

Dimenge, 17 de febrièr

Actualitats

Dimenge, 10 de febrièr de 2019, 03h00 Internacional,Politica

L’aranés Emílio Medan nomenat membre del Forum Civic e Social pel Debat Constituent

L’organisme que deu elaborar las basas constitucionalas de la nòva republica compren ara lo cònsol màger de Les per téner compte del fach binacional occitanocatalan


Comentaris Un comentari    
Marrit Flac Bon Plan bon Fabulós (6 vòtes)
carregant En cargar


S’es creat en Catalonha lo Forum Civic e Social pel Debat Constituent, presidit per Lluís Llach. L’organisme a la tòca “d’elaborar las basas constitucionalas del futur politic de Catalonha a partir dels debats de ciutadans realizats sus tot lo territòri”. Per lo menar a bon tèrme s’es creat un conselh assessor qu’es constituit de representants de divèrsas sensibilitats politicas e nacionalas. Lo fach nacional occitan d’Aran es assegurat amb la nominacion al conselh d’Emílio Medan, cònsol màger de Les (Quate Lòcs).
 
Segon Lluís Llach, après una primièra fasa de participacion ciutadana, quand l’organisme serà integrat per qualques milièrs de ciutadans e tanben quand las basas constitucionalas seràn creadas, “se liurarà a las fòrças politicas que deuràn convocar una Assemblada o un Parlament Constitutiu”.
 
L’organisme entamenarà son prètzfach en doas fasas . La primièra començarà l’estiu venent amb l’organizacion sus tot lo territòri de debats ciutadans amb lo collectatge dels avises e de las contribucions dels ciutadans. Dins la segonda fasa, se bastirà un pache nacional pel debat constituent amb la participacion de las associacions, de las organizacions e dels collectius pus significatius de la societat.
 
 
Una republica binacionala occitanocatalana
 
Lo vejaire que Medan pòrta dins aquel conselh es qu’Aran fa pas partida de la nacion catalana, mas de l’occitana, e que per tant la nòva republica que s’es a bastir deu èsser binacionala.
 
Interrogat per Jornalet l’11 de setembre passat, Medan nos expliquèt qu’a son vejaire “Aran ei ua auta nacion [a respècte de Catalonha] que forme part de çò qu’aué administratiuament se coneishe coma era comunitat autonòma catalana, mès son dos pòbles diferents”.
 
A prepaus del ròtle d’Aran dins una nòva republica independenta, defendèt lo drech dels araneses a decidir lor avenir: “Eth pròpri Parlament de Catalonha aprovèc ena Lei d’Aran qu’es aranesi en aqueth moment, en moment que Catalonha se constituisque en un estat independent, auràn era possibilitat de decidir se vòlen formar part d’aquera republica binacionau o vòlen hèr ua auta causa que se les pogue proposar”, çò precisèt.
 
Medan es un dels impulsors del Manifèst de Les, presentat a Vielha en agost de 2017 amb la preséncia de Jordi Turull, qu’es ara un dels nòu presonièrs politics catalans. Aquel manifèst reclamava que las institucions aranesas s’engatgèsson mai pel referendum d’independéncia del 1r d’octòbre per la sobeiranetat plena d’Aran.
 
Coma cònsol màger de Les, Medan foguèt perseguit en justícia per aver sostengut lo referendum d’independéncia lo 1r d’octòbre.
 
 
Un organisme multicolòr
 
En mai d’Emílio Medan e de son president Lluís Llach, lo burèu del Forum Civic e Social pel Debat Constituent es compausat de politicians e intellectuals sortits de totas las sensibilitats independentistas o d’esquèrra coma Marta Rovira, Jordi Domingo, Antonio Baños, Carmina Castellví, Albano Dante Fachin, Jaume López, Angels Martínez, Albert Noguera, Montserrat Palau, Miquel Puig, Gabriela Serra, Beatriz Talegón, Ada Ferrer, Francina Alsina, Josep M. Ganyet, M. Dolors Feliu, e Montserrat Castellà.
 
La deputada aranesa al Parlament de Catalonha, Anna Geli, a manifestat sus Twitter son gaug de la nominacion de Medan:
 



 
 
 




abonar los amics de Jornalet
 



publicitat



Comentaris

10 de febrièr 10.26h

E non fa longtemps, demandavetz encara se segon los vòstres lectors, Catalunya respectava l'occitan o non ! Imaginatz, lectors, un fait constitucional de tala mena, dins l'imperium francés (de dreita o d'esquèrra) ?


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • sol Agen
  • sol Aush 17 6
  • sol Bordèu 17 6
  • sol Briançon 7 -7
  • sol Caors 15 0
  • nuvols Carcassona 16 1
  • sol Clarmont-Ferrand 18 2
  • sol Confolent 16 5
  • sol Gap 15 0
  • sol La Canau 17 6
  • sol La Gàrdia 12 2
  • sol La Torre de Pèlitz 15 3
  • sol Limòtges 18 2
  • sol Lo Borg Sant Dalmatz 15 3
  • sol Lo Puèi de Velai 15 3
  • sol Marselha 16 5
  • nuvols Montpelhièr 15 10
  • sol Naut Aran 14 -1
  • sol Niça 8 -5
  • nuvols Nimes 17 7
  • sol Pau 18 1
  • sol Peireguers 16 6
  • sol Rodés 17 6
  • sol Tolon 14 2
  • sol Tolosa 17 7
  • sol Valença 12 4

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Asuèlhs de Menerbés. © Franc Bardòu

    Asuèlhs de Menerbés

  • Occitan e economia: "occitanitat mai o mens visibla"

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Franc Bardòu

    Asuèlhs de Lauragués

  • © Laurenç Revèst

    Menton, 'a vivaroalpenca maritima

  • Goulamàs'K a Bordelha (Rebeiragués) lo 9 de julhet 2012

  • © Zep Armentano

    XI prèmis Gaudí de l'Acadèmia Catalana del Cinèma

  • © Franc Bardòu

    Coserans al còr

  • © Zep Armentano

    XI prèmis Gaudí de l'Acadèmia Catalana del Cinèma

  • Galhac

    Octòbre de 2012 en Tèrrafòrt de Galhac Tolzan

  • © Laurenç Revèst

    Menton, 'a vivaroalpenca maritima

  • © Laurenç Revèst

    Nimes e preséncia d'occitan

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    Fòrt Maginòt de Sant Anhe

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    La botiga de Macarèl a Sant Joan de Vedats (Montpelhierenc)

giny

Las mai...

publicitat

LATERAL1 300X250: radio pais

giny

Sondatge

Creses que la manifestacion de Tolosa a portat un vam nòu al combat occitanista?


67%



0%



17%



17%



0%




Vots 6 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)