Bandièra01 1180x150: Comuna de Tolosa

Actualitats

Montpelhièr: trabalhar après los estudis d'occitan

A l'Universitat de Montpelhièr, de nòu convidats explicaràn lor experiéncia. Après lors estudis d'occitan son venguts professor, jornalista, artista, cargat de mission...

| Departament d\'Occitan - Universitat Pau Valèri Montpelhièr 3
Dins l’encastre de las jornadas pòrtas dobèrtas de l’Universitat Pau Valèri – Montpelhièr 3, lo departament d’occitan organiza un rescontre amb de joves professionals, ancians estudiants d’occitan, diplomats de l’UPV. Son venguts professor, jornalista, artista, encargat de mission.
 
Los liceans an fins al 20 de març per causir lor filièra pòstbac... e se fasián d’occitan?
 
Vaicí una corta presentacion dels nòu convidats:
 
Marius seguiguèt un doble cursus occitan e istòria abans d’integrar una escòla de jornalisme. Embauchat primièr sus las emissions en occitan, uèi trabalha a France 3.
 
— Après un doctorat en sciéncias duras, Quentin s’endraia dins una licéncia d’occitan en ensenhament a distància. Uèi a un contrat doctoral: escriu sa tèsi e dona de corses a la fac.
 
Claire venguèt a la fac per far una licéncia de psicologia. Integrèt puèi en parallèl la licéncia d’occitan. A passat lo CRPE (Concors de Recrutament de Professor de las Escòlas) especific, ensenha a l’ora d’ara, dins una escòla publica bilingua.
 
— Jornalista pendent d’annadas, cap-redactor d’un setmanièr occitan, animator tèle, Clamenç a fach una conversion professionala e es ara encargat de mission per ÒC-BI.
 
— Venguda d’Aurenja estudiar l’occitan a Montpelhièr, es a Marselha que Jennifer ensenha la lenga d’òc en collègi e licèu.
 
— Après d’estudis d’occitan, Jean-François a fach una licéncia professionala d’animacion culturala a l’Universitat Pau Valèri, ara gerís Oxivent, una estuctura professionala d’ajuda e de difusion d’artistas.
 
— Professora de las escòlas, Cindy ensenha dins una Calandreta, una escòla associativa immersiva ont totes los corses sont en occitan.
 
— Après una licéncia d’occitan e una escòla de jornalisme, Camille a escrich dos libres sus la musica occitana e es intermitent de l’espectacle.
 
Benjamin Assié es lo director del CIRDÒC (Centre Interregional de Desvolopament de l’Occitan), ont divèrses mestièrs òbran per l’occitan. Vendrà presentar sos besonhs.
 
Los estudis d’occitan, aquò es possible a totes los moments de la vida! E de mai d’un biais :
 
— escolans de Terminala : inscripcion sus Parcoursup
 
— per far una licéncia d’occitan en presencial : inscripcion sus Parcoursup
 
— cursus complet de la licéncia al doctorat en ensenhament a distància, la solucion ideala per las personas que trabalhan o pòdon pas anar a Montpelhièr
 
— per los demandaires d’emplec e personas en comjat de formacion: licéncia amainatjada en 1 an.
 
L’occitan es estudiat dins de nombrosas universitats dins lo Mond mas solament doas universitats prepausan lo cursus complet de la licéncia al doctorat, entre elas l’Universitat Pau Valèri.
 
 
 
 
Melania Laupies
Responsabla Licéncia
 
 
 
 
 

Dimècres 20 de febrièr – 14h-16h – Universitat Pau Valèri, sala A105
Trobatz l'eveniment sus Facebook.
 
Mai d'informacions sul rescontre del 20 de febrièr: melanie.laupies@univ-montp...
Telefon: +33(0)6 81 29 70 09
 
Mai d'informacions suls estudis d'occitan: oc-info@univ-montp...
 
Pagina Facebook del Departament d'Occitan - Universitat Pau Valèri Montpelhièr 3
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Una bona Universitat qu'a uns plans força practics per preparar professionals rapidament en lenga nostra. Bravo !!!

  • 1
  • 0

Escriu un comentari sus aqueste article