CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dimars, 19 de febrièr de 2019, 03h00 Internacional,Politica,Societat

Brussèlas ven l’epicentre de l’internacionalizacion del procès contra los independentistas catalans

D’acamps de protèsta, de conferéncias e tot plen d’eveniments plaidejan lo sosten de l’Union Europèa a la repression d’Espanha contra Catalonha


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


#Makeamove (fai un movement) es lo nom de la campanha que l’Assemblada Nacionala Catalana (ANC) a entamenat per denonciar internacionalament lo procès contra los independentistas catalans, a causa del referendum d’independéncia que se tenguèt lo 1r d’octòbre de 2017. La campanha es a entamenar divèrsas manifestacions pertot. De soslinhar los acamps reüssits de dimenge passat dind la ciutat de Mexic e a Sant Sebastian, ont de milièrs de personas marchèron jo de parapluèjas jaunes en sosten als independentistas catalans. Ça que la, Brussèlas es venguda l’epicentre car aquí se tròba exiliat lo president Puigdemont e se plaideja lo sosten de l’UE.


De centenats de personas manifestèron dimenge passat davant la gara centrala de Brussèlas dins l’encastre de la campanha #Makeamove. Protestavan contra la tenguda del procès contra los independentistas catalans del temps que plaidejavan lo sosten de l’Union Europèa. Revendicavan la liberacion immediata dels presonièrs politics que son ara jutjats a Madrid e sostenián que “l’autodeterminacion es pas un crime”. Lo fòtojornalista occitan Julien Cazenave, èra sus plaça e n’a mandat un bèl fòtoreportatge a la redaccion de Jornalet.
 
Aquela manifestacion seguissiá l’acamp de protèsta que se tenguèt lo 12 de febrièr passat davant la Comission Europèa, a l’ocasion del començament del jutjament a Madrid. En aquela escasença Cazenave aviá tanben mandat a Jornalet un bèl fòtoreportatge.
 
 
Conferéncia dels presidents Torra e Puigdemont
 
Lo president de la Generalitat de Catalonha en exili, Carles Puigdemont, e lo president en foncions, Quim Torra, faguèron ensems ièr diluns una conferéncia per denonciar lo jutjament que se ten a Madrid. La conferéncia se deviá far inicialament dins lo sèti del Parlament Europèu mas lo president de la cambra, Antonio Tajani, o refusèt per de rasons de seguretat, en seguida de qualques pressions espanhòlas.
 
Julien Cazenave ne parlèt amb lo coordinator de l'ANC a Brussèlas, Ivan Fox:



De matin, Torra rescontrèt lo president de Flandra, Geert Bourgeois, e de ser lo president del parlament flamenc, Jan Peumans.


Chepic dels observaires internacionals
 
Los observaires internacionals, qu’an seguit la primièra setmana de jutjament, coordenats dins lo ret International Trial Watch (ITW), an elaborat un primièr rapòrt sus qualques questions que lor an tirat l’atencion.
 
D’un caire, an avalorat positivament qualques aspèctes formals coma lo temps qu’an agut los avocats de la defensa per dire lors expausats e per que lo tribunal interrompèsse pas los declarants. Mas d’autre caire i a de questions que considèran inquietantas, coma las que trobèron los observaires Alexandre Faro, Dominique Nogueres, William Mozdzierz, Frédéric Ureel, Fabio Marcelli e Javier Pérez Royo just al primièr jorn del jutjament. Eles avián pas cap d’espaci dins la sala d’audiéncia coma observaires e deguèron far fòrça oras de coa a l’exterior per poder intrar coma public. Mas lo fach pus inquietant èra que la coa èra organizada per de membres del partit ultradrechista Vox. L’endeman, après los planhs, la coa l’organizèt la polícia.
 
La sala d’audiéncia a solament quaranta sètis pel public. Pasmens, a cada sesilha i a un desenat de cadièras liuras. Per aquela rason, ITW demanda tornarmai que s’abilite d’espacis pels observaires internacionals.
 
 
 



 
 




abonar los amics de Jornalet
 



publicitat
BANER1-2-3: DGPL AN LAFONT



Comentaris

20 de febrièr 02.48h

Contra la bunkerizacion de la còla de Junker sus aqueste sicut, cal multiplicar los eveniments per tornar lo silenci eissordissent.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

19 de febrièr 23.30h

En primier loc: Suprimir la farsa franquista del judici. Lo pecat es non far referendums, e ficar a la preson a politics elegits per convocar un referendum d'una nacion. Lo pecat es gros e seran castigats los fachas per aital per anar contra l'amor. Los pecats que nos deian quan erem pichons . Quantes vegades t'has tocat aquesta setmana ? Aquestes son pas pecats, los vertadiers pecats mortals son los que fan los fachistas, matant, mentint, raubant e fassent mal a la gent.

Segon: Amor e dialeg.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

19 de febrièr 19.48h

Segueixo des de Barcelona el procés contra els represetants de Catalunya i haig de dir que és vergonyós que persones pacifistes que l'únic que han fet ha estat seguir el mandat del poble català faci un any que estàn empresonats. Afagiré que els quatre consellers, diputats i el propi vice president Junqueres estàn donant respostes modèliques d'homes de Pau i demostrant com són d'injustes les acusacions. Des de Barcelona el meu reconeixement i el meu agraïment per tots quatre, Junquere... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 24
  • sol Aush 23
  • sol Bordèu 23
  • sol Briançon 15
  • sol Caors 21
  • sol Carcassona 20
  • sol Clarmont-Ferrand 22
  • sol Confolent 21
  • sol Gap 15
  • sol La Canau 22
  • sol La Gàrdia 22
  • sol Limòtges 22
  • sol Lo Borg Sant Dalmatz 18
  • sol Lo Puèi de Velai 20
  • sol Marselha 22
  • sol Montpelhièr 21
  • sol Naut Aran 17
  • sol Niça 21
  • sol Nimes 22
  • sol Pau 21
  • sol Peireguers 24
  • sol Rodés 24
  • sol Tolon 22
  • sol Tolosa 23
  • sol Valença 21

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Celèsta Toion

    La plaja espaci de libertat? D'expression?

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Besièrs, preséncia d'occitan en ciutat e CIRDOC

  • País de Rasés. © Franc Bardòu

    País de Rasés

  • Niça vièlha en occitan niçard. © LR

    Niça vièlha en occitan niçard

  • Arle ©Laurenç Revèst

    Arle (Camarga)

  • © Franc Bardòu

    Tèrra albigesa

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • Josette Moll

    Concors de preseps de Jornalet 2017

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • Galhac

    Octòbre de 2012 en Tèrrafòrt de Galhac Tolzan

  • Irissa: prumèra edicion dera corsa populara de BTT

  • © Franc Bardòu

    Coserans al còr

  • Asuèlhs comengeses. © Franc Bardòu

    Asuèlhs Comengeses

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Estivada 2013. © Guillem Sevilla

    Estivada 2013

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)