CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 22 d'agost

Actualitats

Dimècres, 20 de febrièr de 2019, 03h00 Environament,Politica,Societat

Daufinat > Bas Daufinat > Valentinés

Valença: Naoto Kan avertís que cal arrestar las centralas nuclearas

Lo qu'èra primièr ministre de Japon quand esclatèt la catastròfa nucleara de Fukushima, milita ara per l’arrèst de las centralas nuclearas dins lo Mond entièr


Comentaris 2 comentaris    
Marrit Flac Bon Plan bon Fabulós (2 vòtes)
carregant En cargar


Naoto Kan, qu’èra primièr ministre de Japon quand esclatèt la catastròfa nucleara de Fukushima, milita ara per l’arrèst de las centralas nuclearas dins lo Mond entièr. Aquesta setmana es vengut en Occitània. Diluns presentèt a Valença lo filme Fukushima, le couvercle du soleil (Fukushima, la cubricèla del solelh), e dimars vesitèt la Comission de Recèrca e d’Informacions Independentas sus la Radioactivitat (CRIIRAD). Lo filme, presentat diluns, sortís oficialament lo sièis de març e retrai los primièrs jorns de la catastròfa nucleara que la patiguèt Japon.
 
“Fins a l’accident, pensavi qu’amb la tecnologia arribariam de contrarotlar totes los eveneniments sus las centralas. Aquel jorn comprenguèri qu’èra impossible. Las consequéncias podián èsser talament enòrmas que cambièri a 180° ma manièra de pensar”, çò diguèt l’èx-primièr ministre japonés, segon çò que rapòrta France Bleu.
 
En març de 2011, un tèrratrem generèt un tsunami dels pus grèus de l’istòria de Japon que devastèt tota la region e mai sa centrala nucleara. En consequéncia, moriguèron mai de 18 000 personas e i aguèt de desenats de milièrs de personas desplaçadas. Naoto Kan èra al poder, mas impotent. “De fach es pas una question de poder. Ieu, primièr ministre, poguèri pas res, mas pas sonque ieu. Los scientifics, los expèrts, los tecnicians, degun poguèt pas res”, çò precisava Kan.
 
 

 
 
Inseguretat al país
 
En decembre passat, la CRIIRAD demissionèt de la Comission Locala d’Informacion (CLI) de la centrala nucleara de Cruàs-Mèissa (Bas Vivarés) a causa d’eveniments que menaçarián la santat dels emplegats e dels abitants.
 
La centrala vivaresa aguèt en mai passat una pèrda de triti non comunicada per Electricitat de França (EDF). E mai, en agost se raportèt amb fòrça retard una pèrda d’idrocarburs. Aqueles eveniments, que menaçan la santat dels emplegats del sit e dels abitants del parçan, faguèron demissionar la CRIIRAD de la Comission Locala d’Informacion (CLI), çò rapòrta Reporterre. En mai d’aquò, la CRIIRAD denóncia lo non-respècte dels participants a la comission d’informacion de la centrala.
 
“Avèm constatat de disfonciaments grèus, que poirián provocar d’exposicions injustificadas a la radioactivitat, menaçant los trabalhadors, los ribairencs e l’environament”, çò disiá la CRIIRAD dins sa letra de demission. La CRIIRAD aviá ja anonciat dins lo darrièr conselh d’administracion lo 26 d’octòbre que participariá pas pus a la plenièra de novembre. D’efièch, la letra especifica que la comission de recèrca voldrián ben “poder intervenir a la CLI en tant qu’expèrts mas [que volián] pas pus participar a aquela mascarada”.
 
La CRIIRAD es una associacion d’expèrts creada en mai de 1986 en seguida de la catastròfa nucleara de Chernobyl. Mena d’estudis e d’analisis dins lo domeni de la radioactivitat, e emplega l’expertesa scientifica coma aisina de contestacion de l’energia nucleara.
 


abonar los amics de Jornalet



publicitat
BANER1-2-3: DGPL DICTADES



Comentaris

24 de febrièr 05.20h

Cal inscriure AREVA e son VRP, lo Philippe, a un cors de japonés per que s'entrèven.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 de febrièr 23.07h

Cresi qu'a raso, perquè sap lo que li passet quan era ministre.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Zep Armentano

    Era Mongetada (Val d'Aran 28-29 d'octobre 2017)

  • Gavotina marítima: trofèu d'August e vila vielha d'A Torbia

  • © Laurenç Revèst

    Fòrt Maginòt de Sant Anhe

  • Núria Bayó

    Concors de preseps, betlèms o grépias

  • © Laurenç Revèst

    Fòrt Maginòt de Sant Anhe

  • © Catarin Seguran

    Pargue nacionau dels Escrinhs vist de Pratpic (vierar d'Orsiera) a la partença de la valaa dau Drau Nier en Aut Champsaur

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • Valadas. © Xavi Gutiérrez Riu

    Valadas

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Zep Armentano

    25au Corsa Aran per sa Lengua

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Mónegue

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Agaits tolosans. © Franc Bardòu

    Agaits Tolosans

  • © Aure Séguier

    Carnaval Biarnés 2017

  • Irissa: prumèra edicion dera corsa populara de BTT

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


44%



36%



20%



0%




Vots 103 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)