Bandièra01 1180x150: Comuna de Tolosa

Actualitats

Se va bastir una autoestrada ferroviària entre Barcelona e Luxemborg

Aquel transpòrt de contenedors e semiremòrcas per tren permetrà de retirar mai de 22 000 camions e estalviarà 23 070 tonas de CO2 per an

Se va bastir una autoestrada ferroviària entre Barcelona e Luxemborg que prevei de levar mai de 22 000 camions de las estradas rotièras. Atal o a anonciat la societat Lorry Rail, tres meses après aver dobèrt una connexion parièra entre Calais e Turin.
 
La linha anonciada serà longa de 1219 km e transportarà de contenedors e semiremòrcas sus de vagons en un trajècte de 22 oras. Son previstes cinc anars venirs cada setmana dins un primièr temps per remplaçar fins a 22 090 camions per trajècte. Jonherà lo terminal intermodal de Can Tunis, al pòrt de Barcelona, e lo de Beetebuerg en Luxemborg. La traccion dels vagons la farà RENFE entre Barcelona e Perpinhan e l'SNCF sus la rèsta del camin.
 
Lo servici es favorizat per las taxas sus las emissions de COque prevei l'Union Europèa. Permet d'economizar environ 1 tona de CO2 per remòrca e per viatge. Segon BFM TV, aquò equival sus una annada a un estalvi de 23 070 tonas de CO2.
 
Per limitar la circulacion de camions de pes lord entre lo sud-oèst e lo nòrd d'Euròpa son en estudi d'autres projèctes, dont una autoestrada ferroviària entre Barcelona e París a partir de 2022, que seriá subvencionada a un 50% per l'UE.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Una autoestrada ferroviària? O creirem quand o veirem. Se parlèt fòrça de la que comença al Volo, direccion Lille, e d'annadas apuèi i a encara pas qu'un tren per jorn!

  • 0
  • 0
MIquèu
2.

Es pas vertat....era monoxid de carboni....pas CO2

  • 1
  • 0
Lachaud
1.

Aqui es un simbòl de la colonisacion occitana. Tot aqueus camions fan mas traversar Occitania.
Las gens dau Massif-Centrau podan purar mas degun per los defendre. Que transportant de
tant d'important que siaja vital per França e Euròpe dau Nòrd e que quò siaja pas bon per Occitania?
Depuis lo nòrd quò tòrna davalar en Occitania?

La 3ème Republica ensenhava que si un òme e un chen davalava dins una cava ente i avia dau gaz carbonic (CO2), lo chen moria si i demorava tròp de temps e pas l'òme perque lo gaz carbonic es un gaz lord que tomba e non pas que monta . Ai dau dobta que CO2 siaja un gaz a effet de serre.

  • 1
  • 0

Escriu un comentari sus aqueste article