CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Diluns, 21 d'octòbre

Actualitats

Divendres, 22 de febrièr de 2019, 03h00 Economia

Gasconha > Bearn > País deus Luis

Sostiéner los nostes productors locaus

Lo pipèr bearnés n’ei pas hòrt conegut, esconut qu’ei peu marqueting intensiu deus vesins bascos


Comentaris 4 comentaris    
Marrit Flac Bon Plan bon Fabulós (7 vòtes)
carregant En cargar


En Bearn, que i a la garbura, solide, mes tanben los ingredients qui s’i tròban, tots gessits deu parçan. Au miei d’aquestes: lo pipèr.
 
En tèrmes d’imatge, vertat que lo pipèr bearnés n’ei pas hòrt conegut, esconut qu’ei peu marqueting intensiu deus vesins bascos. Totun, quan seràn mei grans productors, ne n’an pas lo monopòli tanpauc.
 
A Puei de Lescar (País deus Luis) per exemple, que’s tròba la Maison Malnou, especialista deu pipèr.
 
E acerà, que parlan deu pipèr bearnés, e non pas deu d’Espeleta.
 
Dab Margaux e lo son òmi Anthony, qu’ei la setau generacion Malnou qui contunha la tradicion familiau, e qui mantien quilhada la bòrda, qui ben qui mau.
 
 
Ua recèpta bearnesa
 
Quan serà totun la medisha planta, lo produit n’a pas arren a véder dab la version basca. En efèit, l’anar de produccion e lo saber-har que càmbian, mei que mei au nivèu deu secatge: entà har espelir la sabor deu pipèr, los de Maison Malnou qu’an inventat e desvolopat un metòde especific, a hèra baisha temperatura, dab materiau que s’an creats eths medishs. Qu’an tanben desvolopat ua recèpta unica de pipèr humat, au shuc saborós... E que marcha! Los lors pipèrs moluts (bio despuish l’an passat) que son venuts e reconeguts pertot, dinc a las mei bonas taulas de París.
 
De 50 pès entà gahar l’aviada en 1948, que’n son uei lo dia a 15000. E totun, qu’ac saben, los temps que son durs peus petits productors, e l’espandida, obligatòria entà mantiéner l’activitat, n’ei pas aisida tostemps. Sustot que lo coble ne manca pas d’ambicion: que vòlen doblar la produccion en 2019, e gahar 2 tonas e miei de pipèr moluts.
 
Alavetz, tad aquò har, qu’an besonh de drin d’ajuda, entà adaptar lo lòc de tribalh a la lor ambicion, e donc adobar la sala de transformacion. Lo metòde e lo saber-har ne cambiaràn pas briga, mes entà har cap a ua demanda qui creish tostemps mei, autant com las nòrmas sanitàrias, que’us cau adara modernizà’s!
 
Qu’an aviat un finançament participatiu suu site Internet miimosa.com. Qu’espèran crubar 9300 èuros, entà contunhar de tribalhar au país, e contunhar de har vàler los nostes produits.
 
 
 
 
Ràdio País
 
 


 


Que podetz participar au finançament participau suu site miimosa.com


 
Aqueste article es possible gràcias a un acòrdi de cooperacion entre Jornalet e Ràdio País.

Que podetz escotar l'entervista de Dominica Malnou dens Lo Gran Descluc de dimars passat



abonar los amics de Jornalet
 



publicitat
BANER1-2-3: DGPL AN LAFONT



Comentaris

22 de febrièr 10.53h

#3
Gasconlaştıramadıklarımızdanmısınız

d'aqui que va pas ambe gasconha

Tolouse es To loose qu'es plan melhor


Valoriza aqueste comentari:   votar positiu 0   votar negatiu 6
Respondre comentari replica Comentari inadeqüat   Formulari d'abús de comentari

22 de febrièr 10.15h

#2, lol, que hè bèth temps que i a articles de ràdio país sus jornalet totun!


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

22 de febrièr 08.10h

Ràdio país descobra Occitània.....
Òsca !


Valoriza aqueste comentari:   votar positiu 0   votar negatiu 9
Respondre comentari replica Comentari inadeqüat   Formulari d'abús de comentari

22 de febrièr 03.49h

Radio País, tostemps un plaser de'vs léger en la vòsta lenga tant agradiva. Ne coneishi pas lo pipèrs de noste, bahida que n'èi minjat shens sabe'c, mes lo còp qui vien que me n'anerèi cuélher.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 10
  • sol Aush 10
  • sol Bordèu 11
  • sol Briançon 11
  • sol Caors 11
  • sol Carcassona 12
  • sol Clarmont-Ferrand 9
  • sol Confolent 11
  • sol Gap 8
  • sol La Canau 11
  • sol La Gàrdia 13
  • sol Limòtges 9
  • sol Lo Borg Sant Dalmatz 15
  • sol Lo Puèi de Velai 11
  • sol Marselha 16
  • sol Montpelhièr 14
  • sol Naut Aran 9
  • sol Niça 16
  • sol Nimes 16
  • sol Pau 11
  • sol Peireguers 8
  • sol Rodés 10
  • sol Tolon 8
  • sol Tolosa 10
  • sol Valença 14

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Asuèlhs de Lauragués

  • Carnaval de Limós. © Franc Bardòu

    Carnaval de Limós 2013

  • Exposicion temporària sus Robèrt Lafont al CIRDOC (D.R.)

  • Nimes. © Carles Pino

    L'occitan per carrièras (concors de prima 2014)

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • © Franc Bardòu

    Asuèlhs de Lauragués

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Minecraft en version occitana

  • © CD

    Escòla Calandreta dau Mas. Drap (País Niçard)

  • © Aure Séguier

    Carnaval Biarnés 2017

  • © Laurenç Revèst

    Fòrt Maginòt de Sant Anhe

  • la passejada dins la ciutat mondina en estiu. © Clamenç (5 ans)

    Concors d'estiu 2012: La fotografia de las vacanças

  • © Laurenç Revèst

    Mónegue

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • País de Rasés. © Franc Bardòu

    País de Rasés

  • Arribada de la prima en Naut Rasés. © Terric Lausa

    Arribada de la prima en Naut Rasés

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Tèrra albigesa

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



3%



92%



0%




Vots 59 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)