Bandièra01 1180x150: País Invisible

Actualitats

Mobilizacion permanenta contra la supression de l’occitan de l’educacion

Regions de França demanda al govèrn d’emendar la reforma del licèu del temps que lo CRÈO Tolosa crida a divèrsas mobilizacions

L’associacion de las regions francesas demanda al govèrn de París d’emendar la reforma del licèu e del bachelierat per qu’aquesta “constituisca pas una reculada de la diversitat lingüistica en França”. Dins un comunicat difusat la setmana passada, Regions de França ditz qu’aquela reforma “desvaloriza l’ensenhament extensiu de las lengas dichas regionalas, especialament pel jòc dels coeficients e per una mesa en concurréncia sistematica amb las lengas estrangièras e las autras disciplinas”, e mai afirma que “pòt pas acceptar aquela mesa en perilh de l’ensenhament de las lengas regionalas e de las seccions bilinguas”.
 
Mentretant en Occitània an luòc de mobilizacions contra la supression de l’occitan de l’educacion publica. Après la reüssida de la manifestacion unitària de dimenge passat, lo Centre Regional dels Ensenhaires d’Occitan de Tolosa (CRÈO Tolosa) crida a d’autres acamps de protèsta. Ara per ara, la mobilizacion es permanenta.
 
 
Dimècres que ven davant lo rectorat de Tolosa
 
Lo CRÈO Tolosa crida a far de rambalh dimècres venent a 14h davant lo rectorat de Tolosa. La tòca es de far una manifestacion eissordanta e se demanda als manifestants que vengan amb de fiulets, de megafòns, de vovozelas, de trompetas, de caçairòlas, etc.
 
Se revendica totjorn de mejans especifics per l’occitan, e que l’ensenhament de la lenga del país siá pas inferior a lo del latin e del grèc ancian.
 
 
E lo 13 de març a Tarba
 
Tanben a Tarba se crida a far de rambalh lo 13 de març a 14h davant la direccion departamentala de l’educacion francesa (DSDEN) amb la meteissa revendicacion. La tòca es tanben de far una manifestacion eissordanta e tanben se demanda als manifestants de portar tot çò que pòsca far de rambalh.
 
Trobatz sus Facebook los eveniments del CRÈO Tolosa.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Occitània Canal Istoric
5.

QUE FA DELGA ? QUE FA LA REGION DICHA OCCITANIE ? RES, RES, RES ! PUTA , AQUO VALIA PLAN LA PENA DE LA SONAR "OCCITANIE" LA REGION NOSTRA !!!

  • 0
  • 0
francesc palma
4.

Qui ten la lenga ten la clau, que de las cadenas lo desliure.

  • 3
  • 0
francesc palma
3.

L'ignorancia, lo fachisme, l'odi a la cultura sia propia o generala. Tot lo contrari de lo respecte, l'amor a la veritat, l'amor a la cultura propia i general, amor a las personas,a los paises, a lsa nacions del mond.

  • 3
  • 0
Talon remplaçant
2.

#1 Dilhèu pr'amor que n'ei pas guaire occitan de's privar de minjar!

  • 8
  • 0
guy toulouse
1.

E perqué pas ua cauma de la hami meilèu?

  • 4
  • 7

Escriu un comentari sus aqueste article