Bandièra01 1180x150: Comuna de Tolosa

Actualitats

Las estrategias de la Glèisa Catolica per combatre los abuses sexuals

Après una reünion de quatre jorns amb los presidents de las conferéncias episcopalas del Mond entièr, lo papa Francés n'a rendudas publicas las conclusions

| Vatican News
Los 190 presidents de las conferéncias episcopalas s’amassèron entre dijòus e dimenge passat al Vatican per tractar los escàndols d’abuses sexuals que tòcan la glèisa catolica. D’aquela reünion lo papa Francés publiquèt ièr las conclusions amb divèrsas estrategias, dont se far los tutors de menors amb la tòca de los protegir, evitar de minimizar quin cas d’abús que siá, trabalhar per formar los prèires e lor engatjament de santetat, agir amb de mesuras disciplinàrias grèvas, acompanhar las victimas, las aparar dins lo domeni numeric e luchar contra lo torisme sexual.
 
“Cap d’abús deu jamai èsser cobèrt coma èra abitual dins lo passat”, çò precisèt lo pontife, que ditz que l’origina d’aquelas brutalitats es “la man del mal”. Pasmens, precisèt pas las mesuras especificas contra los abusaires e mai o reclamèsson las victimas.
 
“I a pas d’explicacions pels abuses”, çò precisèt lo pontife. “Devèm escotar lo crit silenciós dels enfants. Podèm pas consentir a l’abús de poder e d’autoritat”, çò assegurèt. Lo papa demandèt tanben de publicar las donadas generalas que, segon el, son totjorn parcialas per donar la “portada de la gravetat e de la prigondor d’aquela plaga”.
 
Dins la reünion an escotat qualques testimoniatges de victimas, tant presencialament coma per mejan de vidèos.
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Son dades estadistiques:
Dins la familla es ont hi ha mai abuses sexuals: Paires i filhas, maires i filhs, germans e germanas, homoxexualitat, pederastria, voler considerar qu' entre los membres de la familha està ben haver relacions sexualas. Sobretot en Amèrica e mai en familhas paures. Es atal amics. Cresets pas lo que dis la premsa autodenominada liura dels capelans catòlics, que oc que n'hi ha, mas en tercer loc, puei de la familla e l'escola.

  • 1
  • 0
Mèfi! 31
5.

L'Estat del Vatican, creat jotz Mussolini, considerava que le clergat, beneficiava de l'immunitat diplomatica e del pardon de Diu, sens pensar a l'opinion dinc a uèi.
Quantes crimes cobèrts de per aquèlla organizacion? E le brave cresent, consí se protège les mainats ambe tot aquò ?

  • 3
  • 1
ltrobat
4.

#2
La glèisa victima deu capitalisme? Qu'at vatz díser au François Fillon, au Geoffroy Roux de Bézieux (patron deu MEDEF), a l'Ernest-Antoine Sellières (ancian gavidaire deu MEDEF), etc... qui son tots catolics assumits et grans anticapitalistas com at sabem tots. Autau com totas las familhas de borgués que vedi a la messa dens lo men quartièr?
Segur qu'ei per anticapitalisme que lo Jean-Paul II lutè dab tant d'arsec contra la teologia de la liberacion...

  • 5
  • 2
Mèfi! 31
3.

De çò qu'ai comprés, la Glèisa reconèis l'autoritat de la lei penala de cada país, oltra le novèl òrdre disciplinari intèrne ...

  • 1
  • 0
francesc palma
2.

Los casos d'abusos sexuals mai nombrosos se produeissen en primier loc dins las familias, en segons loc a l'escola, privadas , religiosas o públicas. Hi ha interesos per far desacreditar a la glesia catòlica per part de ? Aquí que cada un pensi lo que vulga: la CIA ? Lo capitalisme ? Mas existeis una organizacion o varies organitzacions que coma tapadores son gabinets d'advocats a molts de paisos, qu' es dedican a perseguir los casos de sacerdots e donar-los la màxima publicitat a la premsa e mitjans de comunicacion pagant els chantages e als medias.

  • 2
  • 4

Escriu un comentari sus aqueste article