Bandièra01 1180x150: Comuna de Tolosa

Actualitats

La Cort Internacionala de Justícia ditz que lo Reialme Unit deu descolonizar Chagos

En contrapartida de l’independéncia de l’illa Maurici, ne separèron l’archipèla de Chagos e desplacèron tota la populacion per crear una basa militara

Segon la senténcia que la prononcièt ièr la Cort Internacionala de Justícia (CIJ), lo Reialme Unit deu metre fin “al pus lèu possible” a son administracion de l’archipèla de Chagos, en considerar que foguèt pas separat de l’illa Maurici d’un biais adeqüat après sa descolonizacion.
 
La Republica de Maurici reclama la sobeiranetat sus archipèla e rebuta la decision del Reialme Unit de separar los dos territòris en 1965 en contrapartida de l’independéncia del país. Mas la decision de Londres implicava lo desplaçament de tota la populacion de Chagos dins l’illa Maurici a la demanda dels Estats Units, per poder crear una basa militara dins l’illa de Diego García, la pus granda de l’archipèla.
 
Dins aquel sens, la senténcia de la CIJ afirma que “segon lo Drech Internacional, lo procès de descolonizacion de Maurici se faguèt pas completament d’un biais legal pendent l’independéncia de 1868, après la separacion de l’archipèla de Chagos”. Atal, “lo Reialme Unit a l’obligacion de metre fin a son administracion de l’archipèla de Chagos al pus lèu possible” e s’afirma que, coma “estat membre”, es “obligat de cooperar amb las Nacions Unidas per acabar la descolonizacion de Maurici”.
 
En mai d’aquò, la cort internacionala assolida que la separacion de l’archipèla “foguèt pas fondada sus l’expression liura e autentica de la volontat del pòble concernit” e  remembra que lo drech internacional exigís que se “respècte l’integritat territoriala”.
 
La senténcia de la CIJ es pas constrenhenta. Ça que la, l’Assemblada Generala de las Nacions Unidas decidiguèt en junh de 2017 de demandar a la CIJ que se prononcièsse sus l’avenir d’aquelas illas après una decision presa per 94 vòtes en favor, 15 contra e 65 abstencions.
 
 


 


 




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Lo Regne Unit sol pas haver problemas per resoldre descolonitzacions. Los dona l'independència e quedan dins la Commonwell. Pas coma los castelhans,s ense comentari.

  • 0
  • 0
Pitaluga
1.

Es una vergonha. Fa mai de mièg sègle que los chagossians vivon dins de cajaròcas a Port Louis.
En mai d'aquò, Maurici se gardèt l'indemnizacion pendent de desenats d'annadas a l'epòca que l'inflacion èra de doas chifras e quand a la perfin decidiguèt de la balhar a los que lor revenián, balhèron la soma ridicula calculada al començament sens téner en compte l’inflacion : una misèria, qué !
De tot biais los chagossians vòlon pas èsser indemnisats : vòlon tornar a lor país.

  • 5
  • 0

Escriu un comentari sus aqueste article