Bandièra01 1180x150: Comuna de Tolosa

Actualitats

Un sit de las entrepresas que recebon lo mond en breton

Lo sit stal.bzh detalha totas las entrepresas que pòdon recebre lors clients en lenga del país

Lo sit stal.bzh detalha totas las entrepresas e botigas que pòdon recebre lors clients en breton
Lo sit stal.bzh detalha totas las entrepresas e botigas que pòdon recebre lors clients en breton | stal.bzh
Èsser recebut dins un comèrci o una entrepresa dins la lenga del país es una situacion que voldrián viure totes los locutors de lengas minorizadas! D’ara enlà aquò es possible en Bretanha pels locutors de breton. Dins de mai en mai de comèrcis o d’entrepresas bretonas i a de messatges britofòns. Fins ara los locutors se reconeissián gràcias a l’spilhennig, çò es l’espilleta en forma d’èrsa que foguet lançada en 2007 per l’Ofis ar Brezhoneg e que permet als locutors de breton de se reconéisser entre eles.
 
Mas aquò èra pas sufisent pel movement breton. Pr’amor d’aquò foguèt creat lo sit stal.bzh (botiga) dins lo qual se tròban totas las entrepresas que pòdon recebre lors clients en breton. Sus cada ficha d’entrepresa que se tròba sul sit i a un indicador que precisa lo nivèl de coneissença de la lenga dins un reng d’1 a 4.
 
A l’ora d’ara i a una desena d’entrepresas repertoriadas. L’8 de junh serà lançada una aplicacion per trobar totas las botigas qu’utilizan la lenga a l’entorn.
 
Aquel sit es estat creat per Mignoned ar Brezhoneg (los Amics del Breton), una associacion procha d’Aï’ta.
 
 
 
 
Fabien Lécuyer
 
 
 
De vesitar stal.bzh.
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article