L’Institut d’Estudis Occitans (IEO) presenta Las Paginas Occitanas, un sit web que detalha los actors de la comunautat occitanofòna, e tanben los amics de l’occitan. Lo sit, apelat paginas-occitanas.com, permet de trobar de luòcs de practica de la lenga e de personas occitanofònas, de repertoriar d’un biais larg los organismes e lors coordenadas, de presentar lors caracteristicas, activitats e competéncias; tanben los contactes pòdon aital actualizar lors donadas.
 
Las Paginas Occitanas listan las estructuras que participan al desvolopament de la lenga nòstra dins los domenis culturals, educatius, economics e toristics. L’inventari permet a cada vesitaire, que conesca lo mond occitan o pas, de trobar rapidament un interlocutor que pòsca respondre a sos besonhs o a son projecte de promocion de l’occitan.
 
Lo sit conten ara de donadas acualizadas en genièr de 2016 e es pas encara exaustiu. Per aquela rason, l’IEO vòl qu’aquel esplech gratuit siá duradís e demanda a totòm de i portar de modificacions o de precisions.
 
 
 
<hr align="left" size="1" width="33%" />
Vesitatz Las Paginas Occitanas
 
 
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>