Bandièra01 capçalera  1180x150: Novestivada

Actualitats

crotz-tolosaCreated with Sketch.ProvençaProvençaPaís d'Ais

Ais de Provença: crida a mobilizar contra la liquidacion de l’ensenhament de l’occitan

Lo 20 de març a 14h davant lo rectorat d’Ais de Provença, los ensenhaires manifestaràn contra las repercussions “mortifèras” de la reforma Blanquer

Accion per revendicar lo mantenement dels corses d’occitan a Manòsca, 31 de mai de 2016
Accion per revendicar lo mantenement dels corses d’occitan a Manòsca, 31 de mai de 2016 | Iniciativa per Occitània
Après las reüssidas manifestacions al centre d’Occitània, ara es Provença que protèsta contra la supression de l’occitan de l’educacion publica. Los ensenhaires de la lenga nòstra cridan a la mobilizacion lo dimècres 20 de març que ven a 14h davant lo rectorat d’Ais de Provença.
 
Segon los ensenhaires provençals, la reforma Blanquer a ja agut de repercussions “mortifèras”. Tant l’acadèmia coma lo rectorat e de caps d’establiments an suprimit d’oras e de pòstes. E mai s’atacan tanben a l’educacion primària. En mai d’aquò “l’acadèmia ven de decidir de suprimir un dei pòstes de la Mission Lenga Regionala que dins lo departament, ajuda leis escòlas qu’ensenhan l’occitan dins sa varietat provençala ai pichons”, çò manifèstan los professors d’occitan que cridan a la mobilizacion.
 
Rendètz-vos dimècres 20 de març a 14h davant lo rectorat a Ais de Provença, Plaça de Lucien Paye.
 
 


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
19.

Visca Ais de Provença e sa luita per la lenga nostra !

  • 0
  • 0
Oksitanlaştıramadıklarımızdanmısınız
18.

#17

E non cap de solucions unenca subretot a la vista fach. Per los miracles cal anar vèire del costat de Lordas. E Pièger qu’aquò ai jamai dich que n’aviai una dins lo saquet, ai sonque prepauzat d’enlargir e de se noirir de causas que son pas dins las costumas nòstras, iò me consideri pas comol de totas sicienças, sabi de per experiença qu’ai totjorn a aprener quicòm de tot mond.

Pr’aquò dins la tièra de las solucions d’ara e dins la tièras de solucions que trobarem e las que son de trobar, çò que se far de costuma es d’anar vèire ençò dels autres çò que va melhor que nosaus, de qu’un biais an fach, cossi an fach, qu’una es l’organizacion lor eca….

Cal pas trastejar de cambiar de model, subretot quora lo model actual es atancat e que balha pus d’apagansa a degun.
E aqui per saber s’un model es melhor que l’autre cal ben aver mesuras sus çò fach, nos podem pas acontentar de la mesura « a vista de nas, d’un ressentit passadís e cambiadís ». d'aqui un escapolon del libre de Sun Tzu.
Ai conservat la causa magèra per la fin, tot aquò implica tanben e subretot un cambiament de nosaus meteis, de l’estat d’esprit, dels biais de far e dels discors. En resumit per cambiar la causas se cal cambiar sia meteis primièr.
Se cal afanar d’apasset e qualques còps ten urgencia de fa res !

  • 4
  • 7
Emmanuèl Isopet
17.

#15 As legit Felip? Es tot plen de bon sens Oksitanlaştıramadıklarımızdanmısınız: "la solucion es pas unenca e es a nosaus de trobar e d’ensatjar totas solucions" e "cal pas esperar de solucions miraculosas". Finala avèm una comunitat d'analisi.
#16 Per Tarbas, l'objectiu es d'anar mostrar al DASEN que sèm pas mòrts e que doncas pòt pas contunhar a plegar l'ensenhament de l'occitan coma o far (per informacion: restabliguèt pas cap d'ora d'ensenhament dins lo segondari e fa empacha al seguit de las classas bilingüas dins lo primari a Tarbas e Ibòs). Disi pas qu'es l'accion del sègle que va cambiar tot dins l'anar de l'occitan. Es una proposicion d'accion: s'aqueles que nos creson mòrts nos veson pas jamai, an tendéncia a creire a lors pantaisses.
Aquò dich, se Oksitanlaştıramadıklarımızdanmısınız o Sun Tzu an una proposicion d'accion mai eficaça dins l'urgéncia ont sèm, cresi que los CREO de Tolosa es dubèrt a una autra proposicion, coma los collègas de Provença.

  • 7
  • 1
Oksitanlaştıramadıklarımızdanmısınız
16.

#14

Ah Aquò es segur avetz pas comprés ! A d’unis moments me disi qu’o fasetz consientament de tant qu’es pas possible d’un autre biais

Desempuèi la granda manifestacion de Tolosa qualques annadas enrè, la participacion a las manifestacions demenesís, es a nosaus de nos pausar las questions…. « lo messatge occitaniste encontra dificultats per far florès » ? es l’evidencia çò me sembla, ont truca ?

Per Tarbas, podetz pas comunicar sus « es per far cagar » es pas possible, cal tornar vèire las causas e comunicar amb’un autre vestit. Puèi aquò endralha la question : «fa cagar ... mas de qual fa cagar «.

Es sugarament pas los tarbés que cal fa cagar, mas aprofeichar d’aquela escasença per los encontrar lor parlar, lor presentar las causas e tanben los acarar a las reponsabilitats loras rapòrt a l’occitan : se s’en foton e qu’an pas lo respecte de lors rèires qu’an parlat aquèla lenga l’occitan es mòrt dins lèu. Ara sèm a las crozadas dels camins e son pas los autres que van fa o causir, son elis meteis que van decidir de per lor comportament e lor implicacion.

D’aqui endreg, i a cap de miracles, e enquera mens de solucions miraculosas, la maquina se bota pas en camin en un virat de mans, son causas alestidas menimosament al fial del temps ambe un enriquissament sul retorn d’experienças passadissas.
Es pas un sistèm tempat acabat qu’es de servir, es un sistèm dobert, cambiadís que s’enriquesi , d’el meteis e dels autres e perqué pas del libre que n’en parlèri, e d’autres enquèra, es aquò la virtud motiva (force motrice) del sistèm. E tot aquò es pas una empacha a se pausar la question cossi melhorar, cossi tornar conquistar un auditòri e vèire amassas cossi far, las solucions, es pas unenca e es a nosaus de trobar e d’ensatjar totas solucions, cal pas esperar de solucions miraculosas que vos van caire dins lo saqueton, per contra cal trabalhar per las trobar.

Una causa segura es pas en mandent cagar lo monde qu'anatz conquista una simpatia !

  • 4
  • 6
Felip Martèl Montpelhier
15.

#13 Vai ben. Adoncas, coma far far mielhs, aqui e en quauque endrech mai ?

  • 6
  • 0

Escriu un comentari sus aqueste article