Bandièra01 1180x150: Comuna de Tolosa

Actualitats

La NASA confirma que i poiriá aver de vida sus Titan

| Nasa
Fa gaire, la NASA demostrèt que son vejaire sus la possibilitat de trapar de vida dins lo quite Sistèma Solar èra real e, a mai, excepcional. Après la demanda de mai en mai granda d’una partida de la comunautat scientifica d’assajar de cercar de vida sus d’autras planetas, l’organisme espacial estatsunidenc diguèt, que òc, que o caliá assajar. Aquò es un cambiament de vejaire estonant se parlam de la NASA, e la pròva l’avèm quand reconeis que pas luènh de la Tèrra i poiriá aver de vida: sus la luna de Titan.
 
Titan es una luna de Saturne: d’unes pòdon pensar qu’aquel satellit es tras que luènh pr’amor de la tecnologia espaciala que ne dispausa uèi lo jorn l’umanitat. D’autres encara pòdon arribar de pensar qu’es tras qu’estonant qu’un organisme oficial governamental coma la NASA pòsca ara reconéisser que i poiriá aver de vida e mai encara dins lo pròpri Sistèma Solar.
 
Mas ara la nòva cap del programa de recèrca de monds amb oceans de la NASA –Roadmaps to Ocean World Group–, Amanda Hendrix, estonèt l’opinion publica mondiala après aver confirmat que la NASA poiriá mandar lèu una mission espaciala per estudiar aquela luna pr’amor que se crei que sus Titan i poiriá aver de vida.
 
Segon Hendrix, sus Titan i a d’oceans e tanben de pluèjas d’idrocarburs e pr’amor d’aquò i “poiriá aver una forma estranha de vida extraterrèstra qu’aguèsse lo metan coma basa. Titan, çò diguèt la scientifica de la NASA, es un mond estranh qu’a, a l’ora d’ara, lo nivèl mai naut d’escasenças d’aver de vida dins lo Sistèma Solar. E aquesta poiriá èsser trobada lèu”.
 

Cal comprene qual tipe de vida
 
En mai d’aquò, la cap d’aquel programa de la NASA afirmèt qu’èra de besonh de “comprene totalament se los oceans presents sus Titan pòdon aver de vida e s’es aital, qual tipe de vida contenon”. A mai, cal remembrar que Titan es una luna plan especiala pr’amor que l’ocean que i a es jos la superfícia lunara e que tanben a de lacs d’idrocarburs liquids; per ansin poiriá aver de vida.
 
Malgrat l’estonament general de la premsa quand aquel cap de la NASA soslinhèt tot aquò, Hendrix volguèt que foguèsse clar que lo tipe de vida que lo cercarà la NASA sus Titan es pas coma totes podèm pensar pr’amor dels filmes de sciéncia-ficcion. Hendrix volguèt soslinhar que se i a una mena de vida sus Titan, aquò seriá una vida simpla, pas mai.
 
Segon la NASA, doncas, ara la tòca de l’exploracion espaciala serà desparièra. Fins a uèi se pensava que Mart poiriá conténer de vida. Mas se vegèt que sus aquela planeta n’i pòt pas aver. Titan seriá per la NASA lo primièr còrs celèst ont la vida poiriá èsser trapada. Puèi vendrián Encelad, la seisena luna mai granda de Saturne e encara Euròpa, la luna pus pichona a l’entorn de Jupitèr. (Legissètz la seguida)




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.










abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
4.

Gran notícia, però era d'esperar, vaja que a Tità hi ha vida era de calaix, i els altres també, allò dels extraterrestres em comença agradar, i espero que no tardin anys a venir a la Terra, perquè al pas que anem aviat serem història., sobretot al ritme de destrucció que portem del Planeta, cosa que crec que ells no fan.
Un deu perla Nasa, i ara a salvar el Mon que es el que toca, i ja sabem el que em de fer.
No crec que siguem tant burros de matar-ho tot, i després del que volem independitzar la nostre pàtria.
La cosa seria absurda, o ara no toca !? Ehem!
Visca la Terra...Lliure!
Molts records de:
L'Ernest, "El Tàrrega".

  • 1
  • 0
francesc Palma
3.

Un missatge per los extraterrestres en Oc:
Amics ET ajudau-nos en la defensa de los nostres drets culturals e linguistics, qu' uns chovinets ignorants no nos volen pas reconeiser legalment la nostre lenga ni pas lo pais Occitan. Siats benvenguts en Occitania tota los ET !

  • 1
  • 0
Emil Cioran
2.

#1 Tant qu'i a de vida, i a de desespèr…

  • 3
  • 0
Epicurian
1.

Tant qu'i a de vida, i a d'espèr. Aquela vida ipotetica sus Titan, que la daissen tranquilla, mai de li anar ficar lo nas…

  • 2
  • 0

Escriu un comentari sus aqueste article