Bandièra01 1180x150: Comuna de Tolosa

Actualitats

InternacionalPoliticaSocietat

Protèsta feminista contra Vox al Parlament Europèu

Lo partit ultradrechista espanhòl lausèt la lucha contra los musulmans long de l’istòria e critiquèt l’independentisme catalan

Lo partit ultradrechista espanhòl Vox faguèt dimècres passat una conferéncia al Parlament Europèu. Quand comencèt la conferéncia, qualques personas, mai que mai de femnas, alcèron d’afichas de protèsta que disián en espanhòl “Nòstres dreches son pas negociables”, del temps que se mostravan de simbòls feministas e en favor de las libertats de las personas LGTBI. Puèi quitèron la sala. La protèsta la menèron a bon tèrme de salariats de las institucions europèas, que refusan los principis de Vox.
 
“Euròpa deu èsser un espaci dels dreches per totas las personas, sèm de feministas e defendèm los dreches LGTBI”, çò diguèt als mèdias una pòrtavotz dels manifestants. “Es indigne” que lo president del Parlament Europèu, Antonio Tajani, aja decidit de manténer l’eveniment.
 
Durant sa conferéncia, lo secretari general de Vox critiquèt Carles Puigdemont e l’independentisme catalan. E mai lausèt qualques batalhas de l’istòria castelhana contra Al Andalus o l’Empèri Otoman en afirmar que sens aqueles eveniments, “las femnas d’aquesta sala portarián la burqa”.
 
 
Protèsta ferma dels Verds/ALE
 
Los Verds e ALE qualifiquèron l’eveniment de “vergonha” e demandèron a Tajani perqué aviá permés aquel eveniment e non pas la conferéncia dels presidents catalans Carles Puigdemont e Quim Torra. “Comprenèm pas perqué s’arribèt a la conclusion que los legitims representants del pòble de Catalonha presentan un problèma de seguretat mentre que, per contra, que venga l’extrèma drecha coma Vox siá pas una sorsa de preocupacion”.
 
Dins aquel sens, lo grop parlamentari Los Verds/ALE a mandat una letra a Tajani, signada pels responsables màgers, en demandant los rapòrts de la direccion generala de la seguretat qu’enebiguèron una conferéncia mas ne permetèron l’autra.
 


 

 






abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Los de Vox deven anar al Parlament Europeu amb los neonazis.

  • 0
  • 0
francesc Palma
1.

Las donas trebalhadoras son una força politica molt potent.

  • 1
  • 0

Escriu un comentari sus aqueste article