Bandièra01 1180x150: Comuna de Tolosa

Actualitats

Jaume Pol e Dàvid Grosclaude an rescontrat Carles Puigdemont

An manifestat al president catalan en exili lor sosten en nom de lors organizacions e tanben en nom de totes los democratas catalans e occitans

Divendres passat de matin, Jaume Pol e Dàvid Grosclaude, representants d’Unitat Catalana e del Partit Occitan respectivament, rescontrèron lo president de la Generalitat de Catalonha en exili Carles Puigdemont a l’Ostal de la Republica catalana de Waterloo.
 
Pol e Grosclaude declarèron lor sosten a Puigdemont, en nom de lors organizacions e tanben en nom de totes los democratas catalans e occitans, indignats per la situacion actuala e la faiçon que l’estat espanhòl tracta la question catalana.
 
“Lo president nos a assegurats de la soa volontat d’anar dinc au cap deu procès volut per lo pòble catalan”, çò explica Grosclaude. “Que’ns digó tanben de transméter a totas las e a tots los qui sostienen los catalans deu dehòra estant los sons arremerciaments pr’amor de la fòrça que da aus qui son empresonats o los qui son exiliats”, çò precisèt.

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

fancesc palma
1.

Amor es lo que cal per resoldre lo probema. David Grosclaude qu' es una gran persona podrà ensenhar lo camin del dialog amb amor, de la plurinacionalitats de l'estat, de la millora del finançament, de las selecció de futbol catalana, de que lo judici acabe e pugan sortir absolts , lo blindage de la lenga e cultura, a Puigdemont....A base de ser caparruts non anirem pas a cap loc, lo dialog es lo camin!

  • 0
  • 0

Escriu un comentari sus aqueste article