Actualitats
Es nascut Trobasons: un sit qu'amassa tota la musica en occitan
Lo sit prepausa un catalòg de la musica en lenga nòstra classat per artistas, disques e cançons amb la possibilitat de legir las paraulas, d’escotar los àudios, d’agachar los vidèos e de crompar los albums
En seguida de la draia marcada per Paraulas en Òc, ven de nàisser Trobasons, un sit web qu'a per tòca d'amassar tota la musica en occitan. D’efièch, Trobasons prepausa un catalòg de la musica en lenga nòstra classat per artistas, disques e cançons. Sa tòca es de conténer tota la musica en occitan, sens qu’impòrte l’origina nacionala ni la lenga mairala dels artistas, en prepausant, ansin, las paraulas de las cançons, per legir, comprene e aprene a cantar çò que s'escota. E mai i cabon d'àudios e de vidèos ajustats de cèrtas plataformas legalas coma Youtube, Spotify o Deezer, entre d’autras, e lo sit facilita la crompa dels disques o de las cançons a travèrs de las principalas botigas numericas coma iTunes, Amazon o Google Music.
Lo projècte a començat amb un pauc mai de 100 grops, 300 disques e albums e 3000 cançons indexadas, mas lo contengut es a a s’espandir a mesura que s'introdutz mai de referéncias, puèi que se prepausa un sit ordenat e mes a jorn al qual totòm pòt accedir gratuitament.
Trobasons l'a aviat la còla de Viasona, lo sit equivalent en catalan qu'a l'ora d'ara presenta mai de 4000 grops, 10 000 albums e 75 000 cançons en la lenga sòrre de la nòstra.
L'espelida de Trobasons contribuís, sens cap de dobte, a la promocion e la divulgacion de la lenga occitana a partir de sa musica, e a l'encòp servís de plataforma de promocion pels artistas d'expression occitana.
Jornalet a sarrat un pache de cooperacion amb la còla de Trobasons, de sòrta que lo sit prepausa las actualitats jornadièras que publica aqueste jornal, e que Jornalet consagra tanben un espaci a Trobasons.
La musica es un dels melhors biaisses de plan conéisser una lenga. Per mejan de la musicalitat de la lenga, la cançon creada en occitan es una partida subreimportanta de nòstra cultura e mai un esplech per obténer que mai de mond desiren d’aprene e de recuperar l'occitan.
Per lançar Trobasons, una còla an menat a bon tèrme un prètzfach de documentacion long e intens, qu'un còp digitalizat, e amb l'incorporacion de las nòvas òbras editadas, permet que tota aquela informacion se mantenga per totjorn mai accessibla per totes de biais aisit e gratuit.
Trobasons concretiza e ordena un patrimòni immens dins lo temps e l’espaci, jamai catalogat de manièra tan precisa coma fins ara.
Vesitatz trobasons.viasona.cat
Lo projècte a començat amb un pauc mai de 100 grops, 300 disques e albums e 3000 cançons indexadas, mas lo contengut es a a s’espandir a mesura que s'introdutz mai de referéncias, puèi que se prepausa un sit ordenat e mes a jorn al qual totòm pòt accedir gratuitament.
Trobasons l'a aviat la còla de Viasona, lo sit equivalent en catalan qu'a l'ora d'ara presenta mai de 4000 grops, 10 000 albums e 75 000 cançons en la lenga sòrre de la nòstra.
L'espelida de Trobasons contribuís, sens cap de dobte, a la promocion e la divulgacion de la lenga occitana a partir de sa musica, e a l'encòp servís de plataforma de promocion pels artistas d'expression occitana.
Jornalet a sarrat un pache de cooperacion amb la còla de Trobasons, de sòrta que lo sit prepausa las actualitats jornadièras que publica aqueste jornal, e que Jornalet consagra tanben un espaci a Trobasons.
La musica es un dels melhors biaisses de plan conéisser una lenga. Per mejan de la musicalitat de la lenga, la cançon creada en occitan es una partida subreimportanta de nòstra cultura e mai un esplech per obténer que mai de mond desiren d’aprene e de recuperar l'occitan.
Per lançar Trobasons, una còla an menat a bon tèrme un prètzfach de documentacion long e intens, qu'un còp digitalizat, e amb l'incorporacion de las nòvas òbras editadas, permet que tota aquela informacion se mantenga per totjorn mai accessibla per totes de biais aisit e gratuit.
Trobasons concretiza e ordena un patrimòni immens dins lo temps e l’espaci, jamai catalogat de manièra tan precisa coma fins ara.
Vesitatz trobasons.viasona.cat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari