CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 15 de març de 2019, 03h00 Cultura

Lengadòc > Lengadòc Bas > Carcassés

Cultura Viva: interrogacion sul patrimòni cultural immaterial a Carcassona

Fins a la fin d’abril, a Carcassona, l’Ostal de las Memòrias presenta una mòstra “Cultura Viva dedicada al Patrimòni Cultural Immaterial” amb tota una tièra d’animacions e de rescontres a l’iniciativa del GARAE, del CIRDÒC e de l’IEO Aude


Comentaris 3 comentaris    
Marrit Flac Bon Plan bon Fabulós (4 vòtes)
carregant En cargar


Lo patrimòni? D’unes pensan als sòus estremats dins un còfre fòrt. D’autres a las pèiras, als castèls e autres monuments, testimònis de l’istòria e del passat. Mas, dempuèi gaire, una autra nocion se met en evidéncia: lo Patrimòni Cultural Immaterial (lèu nomenat PCI per d’unes). Aquò càmbia las perspectivas d’agach sus l’Istòria qu’es pas pus una seguida de potents, de Reis e d’emperaires, de batèstas, d’amolonament de riquesas o de grands artistas.
 
L’Istòria se met a tocar l’etnologia en se disent que fan tanben partida de l’umanitat totes los sabers remosats pels pòbles e las comunautats (literatura orala, medecina populara, coneissença de las plantas, observacion de las bèstias, meteorologia, …), totes los saupre-faire (mestièrs, artisanat, cosina, …) e los eveniments que ritman la corsa del temps (coma Carnaval o lo Bufa-li de Ladèrn). Atal, las animacions qu’acompanharàn la mòstra a Carcassona concerniràn los contes, los rugbis que transforman Aude en Reialme d’Ovalia, l’accent, l’alimentacion (la guèrra terribla entre caçolets; la trufa negra de la culhida a la truficultura; …), la desparicion de fèstas (coma lo torn de l’ase a Ciutat), las musicas (jos totas las formas e que se poiràn ausir dins la dimenjada finala amb una programacion de tria), lo ròtle precursor de la revista Folklore, etc.
 
 
Lo país audenc e l’etnologia
 
Plan lèu, tre la debuta del sègle XIX, lo departament d’Aude, coma d’autres territòris rurals, noiriguèt la curiositat dels observaires, pensamentoses de sasir de diferéncias e de marcadors culturals (baron Trouvé, Felician Pariset, Auguste Forés, Gaston Jordana…).
 
De notacions en descripcions, prenguèt forma una disciplina que, dins lo vam de las sciéncias umanas e socialas naissentas (sociologia, arqueologia, geografia, demografia, etc.) definiguèt son perimètre e sos metòdes. L’entre-doas-guèrras constituiguèt d’aquel punt de vista un moment capital, una virada que los audencs empruntèron lèu. Atal, en 1937, al moment ont se debana a París lo primièr Congrès Internacional de Folclòre, a l’ora ont Jean Zay, ministre del govèrn del Front popular, fonda lo Musèu Nacional de las Arts e Tradicions popularas, espelís a Carcassona lo Grop Audenc d’Estudis Folclorics, a l’instigacion de Fernand Cros-Mayrevieille. Daissant de costat las referéncias a un regionalisme preocupat de mantenença identitària, lo grop desira portar pèira a la “sciéncia de las culturas popularas”. Se liga amb los primadièrs de la disciplina: Arnold van Gennep, André Varagnac e Georges-Henri Rivière, qu’al cap del MNATP espèra mobilizar lo GAEF e l’integrar al rasal que sómia d’establir a l’entorn de son musèu. Mas la guèrra ne decidís autrament: lo projècte de Musèu Audenc de las Arts e Tradicions Popularas veirà pas jamai lo jorn. Pasmens, las annadas negras arrèstan pas l’aventura del Grop Audenc que perseguís son òbra de collècta (dins los domenis de l’etnolingüistica, de la literatura orala, dels usatges, etc.). Las resultas alimentan las multiplas liurasons de la revista Folklore que lo Grop Audenc de Recèrcas e d’Animacions Etnograficas (GARAE) ne perseguirà la publicacion fins a 1988.
 
Dins los ans 1960, la dobertura del CNRS a totes los camps disciplinaris se concretiza per la mesa en plaça d’RCP: Recèrcas Cooperativas sus Programa. Las recèrcas concernidas son collectivas, pluridisciplinàrias e pòrtan sus de microsocietats que s’agís de considerar d’un biais “total”. Al nombre de las zònas testimònis de la cadena, lo País de Saut ven lo terren d’estudis d’antropològs jovenòts, per la màger part d’origina audenca, formats a la dialectologia per Joan Seguin e a l’etnografia per Renat Nèlli. Segurs d’èsser los testimònis de la fin d’un monde païsan, militant a l’encòp contra lo colonialisme interior de l’Estat centralizaire, aqueles “antropològs autoctòns” s’estacan pas solament a collectar de subrevivéncias, mas tanben a comprene aquel còrs social confrontat al cambiament. Dins las piadas de Claude Lévi-Strauss, impòrtan sul terren los metòdes e questionaments de lors collègas “exotizants”. Contribuisson atal a afirmar una autra etnologia de França, garida de son “etnostalgia”. Collectiva, l’aventura balhèt luòc a una restitucion rica e escampilhada. A l’entorn dels regretats Danièl Fabre e Joan-Pèire Piniès, lo GARAE prenguèt son vam. Contunha uèi l’òbra de Renat Nèlli e de plan d’autres.
 
 
D’animacions a l’entorn de la mòstra
 
L’operacion Cultura Viva PCI permetrà de rescontrar lo dijòus 21 de març a Argon l’escrivan de Peiregòrd Micheu Chapduelh, grand coneisseire de la cultura populara, e que desvelarà totas las cresenças del quotidian de la vida campestrala. L’endeman, se poirà veire a l’Ostal de las Memòrias (18h), lo filme de Patric Lavaud que li es consacrat: “Micheu Chapduelh, una pensada sauvatja, cronicas d’un monde desaparegut o escomesas ecologicas per deman?”.
 
Lo dijòus 11 d’abril, Joan-Francés Saisset animarà una discussion suls rugbis en país audenc. Una presentacion de la mòstra comentada en occitan es prevista lo dissabte 13 d’abril de matin.
 
Lo final de la manifestacion, del 26 al 28 d’abril, farà la part bèla a divèrsas formas cantadas e musicalas: campanas, orguena, bodega, cant coral, etc.
 
 
Sèm totes rics!
 
S’interessar al Patrimòni Cultural Immaterial es pas s’embarrar dins lo passat o dins de reconstitucions folcloristas e sens l’endeman, mas trapar las draias per contunhar lo trabalh de trasmission de generacion en generacion, de tornar balhar vam als biaisses del viure ensems e a la capacitat de faire societat. L’UNÈSCO ditz que lo Patrimòni Cultural Immaterial deu èsser a l’encòp tradicional, contemporanèu e viu. Sèm caduna e cadun portaires (e rics) de cultura: un polit… patrimòni individual e collectiu!
 
 
 
 
Alan Roch
 
 
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

15 de març 23.29h

Per far una cultura viva calen los medias, la radio, la tv, las animacions, cada dia informar e far viure las activitats. Visca occitania ! Fora los opressors centralistas franceses !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de març 07.30h

VESITAS DE LA MÒSTRA CULTURA VIVA-PCI
• Escolans, collegians e liceans : Alan Roch (IEO-Aude) es encargat d'acompanhar las vesitas de classas per la presentacion de la mòstra Cultura Viva-PCI (http://www.garae.fr/spip.php?article482) a l'Ostal de las Memòrias, carrièra de Verdun, Carcassona.
Possible : los dimars (matin e vèspre), dimècres (matin) dijòus e divendres (matin e vèspre) segon disponibilitats (contact : ieo11@ieo-oc.org ; 04.68.25.19.78)
La vesita pòt èsser menada e... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

15 de març 07.28h

CULTURA VIVA-PCI sus las ondas

• RCF-Pays d'Aude (103 : Carcassona, Lesinhan ; 89,3 : Castèlnau d'Ari ; 87,7 : Limós ; 98,2 ; Narbona, St- ; podcasts : https://rcf.fr/vie-quotidienne/als-4-vents )

Emission Als 4 Vents
Quatre emissions de 25 minutas.
1 - diluns 11 de març, 18h30 (redifusion : dissabte 16 de març, 10 h) : Lo PCI, qu'es aquò ? ; Lo ròtle d'Aude.
2 - diluns 25 de març, 18h30 (redifusion : dissabte 30 de març, 10 h) : Lo tunr de l'ase ; L'accent ; Los rugbis... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 28
  • sol Aush 27
  • sol Bordèu 28
  • sol Briançon 19
  • sol Caors 27
  • sol Carcassona 21
  • sol Clarmont-Ferrand 28
  • sol Confolent 23
  • sol Gap 18
  • sol La Canau 29
  • sol La Gàrdia 27
  • sol Limòtges 27
  • sol Lo Borg Sant Dalmatz 19
  • sol Lo Puèi de Velai 22
  • sol Marselha 19
  • sol Montpelhièr 20
  • sol Naut Aran 23
  • sol Niça 21
  • sol Nimes 21
  • sol Pau 25
  • sol Peireguers 29
  • sol Rodés 27
  • sol Tolon 28
  • sol Tolosa 26
  • sol Valença 24

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Asuèlhs de Garnagués. © Franc Bardòu

    Asuèlhs de Garnagués

  • © Celèsta Toion

    La plaja espaci de libertat? D'expression?

  • © Laurenç Revèst

    Lengue a Mentan

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Era còlha dera ADÒC ath trabalh

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Omenatge a Aragon. © Franc Bardòu

    Omenatge a Aragon

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Avion. © Xavi Gutiérrez Riu

    Ivèrn en Aran

  • © Laurenç Revèst

    Dau castèu de Grimaud

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Fèsta occitana a Barcelona, a l'ocasion del cinquen anniversari de Jornalet

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Xavi Gutiérrez Riu

    Tarba

  • Estivada 2013. © Guillem Sevilla

    Estivada 2013

  • © Aure Séguier

    Carnaval Biarnés 2017

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Menton, 'a vivaroalpenca maritima

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)