Bandièra01 1180x150: Comuna de Tolosa

Actualitats

Una balena a engolit un cabussaire sosmarin e puèi l’a escopit viu

Lo cetacèu l’avalèt per accident mentre que filmava un documentari. Quand l'animal se n’avisèt, l’escopiguèt còp sec. Lo moment es estat enregistrat en vidèo

Rainer Schimpf es un expèrt sosmarin de 51 ans qu’es estat qualques segondas dins la boca d’una balena. Lo cetacèu l’avalèt per accident e, quand se n’avisèt, l’escopiguèt sul pic.
 
Schimpf es lo director d’una agéncia alemanda de torisme especializada en cabussadas sosmarinas en Africa del Sud. Fa qualques jorns, èra amb una còla de tecnicians a enregistrar d’imatges per un documentari. Mentre qu’el ensajava de prene l’imatge d’una làmia que perseguiá una grop de sardas, foguèt engolit sens se n’avisar.
 
“Res te pòt pas preparar a finir dins una balena: es d’instint pur. Retenguèri mon alen perque pensèri qu’ela s’immergiriá e que me liberariá dins una partida prigonda de l’ocean, l’interior èra fòrça escur”, çò explica.
 
Son collèga, lo fotograf Heinz Toperczer, èra a bòrd d’un vaissèl a documentar la produccion quand arribèt de filmar aquel incresible instant.

 
 

 

 

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jan l’Aisit
3.

Avalar/engolir vòl dire empassar, far passar pel gargalhòl. Donc la balena a pas avalat nimai engolit aquel òme, l’a solament gafat e tengut dens sas maissèlas pendent quauquis segondas. Anatomicament una balena de fanons pòt pas avalar quicòm de tan gròs com un uman, per çò qu’a pas lo galet pro larg per aquò, e l’esofag encara mens (es per aquò que se noirís de petit pessum, crustacèus e plancton).
A la rigor un caissalòt (balena de dents) va podriá far mas la sola istòria d’aquelas sembla una legenda.
Per contra la balena s’i aurà benlèu degalhats los fanons, e aquò la podriá geinar per se noirir per apuèi.

  • 2
  • 0
Guilhèm Thomas Tolosa
2.

çò que Jornalet.com nos amaga es que i tornèt trobar dedins las claus de la veitura que perdèt aquò fa 20 ans de temps pendent una serada prèp del Clapàs quand èra estudiant.

  • 2
  • 0
Bernatmm Tarba
1.

Entarà redaccion : Se n'etz segur que se ditz Rainer Schimpf aqueth òme ? E pas meslèu Jonas Schimpf ????

  • 3
  • 0

Escriu un comentari sus aqueste article