Bandièra01 1180x150: Comuna de Tolosa

Actualitats

País de Galas: s’alestís una manifestacion per l’independéncia

La marcha se tendrà l’11 de mai que ven a Caerdydd, e la sostenon fòrça associacions de la societat civila

| Yes Cymru
Mentre que lo Reialme Unit trantalha a causa dels desacòrdis a l’entorn de Brexit, d’associacions de la societat civila del País de Galas cridan a manifestar per l’independéncia del país, çò rapòrta Nationalia. La marcha aurà luòc l’11 de mai venent a Caerdydd amb lo sosten d’associacions coma AWokEN, YesCymru, Cymdeithas yr Iaith, Welsh Football Fans for Independence, Labour for an Independent Wales, Yes is More e Undod, segon la pagina de Facebook d’AUOB Cymru.
 
AUOB Cymru s’inspira de l’associacion escocesa de la sigla identica, qu’en octòbre de 2018 organizèt una marcha de milièrs de personas per las carrièras d’Edimborg per tal de demandar un segond referendum d’independéncia. Las doas organizacions considèran que cal coordenar d’estrategias amb la tòca comuna d’obténer l’independéncia. “Cresèm qu’es un cambiament important”, çò diguèt lo pòrtavotz d’AUOB Scotland Neil Mackay, “que trebolarà fòrça l’establishment britanic. Fasèm unas estenalhas amb nòstres amics de Galas, que son arderoses e engatjats per lor causa”.
 
Segon un sondatge de decembre de 2018, un 17% dels galeses votariá en favor de l’independéncia de Galas del temps qu’un 67% o fariá contra ela. Just après lo referendum del Brexit, en 2016, una autra enquista d’opinion concluguèt que lo supòrt a l’independéncia pojariá a un 28% se se garentiguèsse lo mantenement de Galas dins l’UE.
 
De mençonar que lo partit independentista Plaid Cymru atenguèt lo 20% dels vòtes a las eleccions de 2016 a l’Assemblada Nacionala de Galas.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Tot arriba a totes les parts del Mon, de mica en mica tots els Pobles s'aixecaran, i tothom veurà que els grans estats son una barbaritat, només per la ambició, la intolerància, la prepotència que representen, que comencen com a grans projectes i acaben en grans barbaritats.
Que Visqui Gales lliure! I que aquest poble segur que ho aconseguirà i tants d'altres.
Visca la Terra...Lliure!
L'Ernest, "El Tàrrega".

  • 0
  • 0
Enric Mala Testa
1.

Segon un sondatge de decembre de 2018, un 17% dels galeses votariá en favor de l’independéncia de Galas del temps qu’un 67% o fariá contra ela. Just après lo referendum del Brexit, en 2016, una autra enquista d’opinion concluguèt que lo supòrt a l’independéncia pojariá a un 28% se se garentiguèsse lo mantenement de Galas dins l’UE. Aquò significa que per ara, los Galeses e nosautres, vivèm pas dins la merteissa Euròpa. La nòsrtra Euròpa confisca tot debat possible a l'entorn de las questions economicas, impausant d'autoritat lo neoliberalisme indiferentament a tota eleccion locala o "nacionala"…

  • 4
  • 0

Escriu un comentari sus aqueste article